École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Seconde moitié XIIe siècle » 1182-1187

Carta de Provellu, Roberti de Specula et Joscelini fratris ejus.

  • A Original en parchemin. — Inv., p. 84, l. 1, nº 3.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Ego R[eginaldus]2, Dei gratia, Carnotensis electus, tam posteris quam presentibus notificari volo, quod Robertus, miles de Specula, fraterque ejus Joscelinus concesserunt Deo et monachis de Sarnaio elemosinam quam mater sua Guiburgis de Specula, tempore predecessoris nostri Johannis episcopi, prefatis monachis contulit, liberam et quietam ab omni consuetudine in perpetuum possidendam, Proveirleu scilicet, totamque terram, quam pater et mater eorum ibidem possederunt, decimasque ejusdem loci, terram quoque que dicitur Hasta ; de qua contentione coram nobis facta pacificavimus eos. Pepigerunt insuper prefatus Robertus fraterque suus Joscelinus et, fide data in manu nostra, firmaverunt se dictam elemosinam prefatis monachis guarantire, concedente Egidia, uxore Roberti, et duabus filiabus eorum Isabele et Ascelina. Preterea concesserunt sepedicti fratres Robertus et Joscelinus terram, quam juxta Proveirleu avunculus suus, Adam de Capella1, pretaxatis monachis cum decima de Machigni in elemosinam contulit. Quod, ut firmum illibatumque monachis de Sarnaio perseveret, scripto traditum sigilli nostri impressione communimus. Recordationi hujus rei interfuerunt : Gaufridus decanus ; Richerius cantor ; Willelmus succentor ; Gualterius archidiaconus ; Raherius prepositus ; Henricus de Sancto Dionisio ; Johannes, presbiter de Boienvilla ; Theobaldus, clericus de Sancto Carauno ; Guarinus de Escure ; Hugo de Bercheriis.


2 Renaud de Mouçon fut évêque de Chartres de 1182 à 1217 ; mais pendant les cinq premières années de son épiscopat, il eut un compétiteur nommé Philippe, et il ne porta jusqu'en 1187 que le nom d'élu, electus.
1 V. nos XXXI et XXXI bis.