" C. domini Willelmi Broart, militis, de concessione elemosinationis domini G. de Briis. "
- A Original en parchemin. — Inv., p. 17, l. 8, nº 7.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Ego Willelmus Broart1, miles, notum facio omnibus tam presentibus quam futuris presentium noticiam habituris quod ego elemosinationem quam Gilo, presbiter de Bries, Parisiensis dyocesis, fecit abbatie Valleium Sarneii de quadam pecia vinee, solvente duodecim denarios censuales, et de quadam pecia terre, continente tria arpenta terre, sitis apud Joiacum, in feodo quod Petrus de Sancto Ylarione, miles, tenet a me, prout idem Gilo dictam elemosinationem fecit predicte abbatie2, volo, laudo, concedo, et approbo ; et dictas res elemosinatas et quicquid juris in eis habeo et habere possum quito dicte abbatie, et, quamtum in me est, eidem abbatie in perpetuum confirmo ; promittens quod contra premissa vel aliquod premissorum, per me vel per alium, non veniam in futurum. In cujus rei testimonium et munimen, dedi predicte abbatie presentes litteras sigilli mei munimine roboratas. .
