École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1261-1270 » Jan. 1263, n. s.

De venditione duarum domorum in vico Murorum, Parisius.

  • A Original en parchemin scellé2. — Inv., p. 51, c. A, nº 17.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, officialis curie Parisiensis, salutem in Domino : Notum facimus quod Robertus junior de Sancto Christoforo Parisiensi, Lambertus, canonicus Sancti Clodoaldi, Parisiensis dyocesis, Stephanus, casor pannorum domini Parisiensis episcopi, et Theobaldus de Remis, executores, ut dicebant, testamenti defuncti Roberti, dicti le Papelart1, asseruerunt in jure se habere, nomine executorio dicti defuncti, duas domos sitas Parisius, ultra Parvum-Pontem, in vico qui dicitur vicus Murorum, juxta Sanctum Victorem ; quarum una contigua est, ut dicitur, domui Hugonis, dicti Poquet, ex una parte, et domui que fuit dicti defuncti, quam emit, ut dicitur, a Thoma, dicto Torchepot, et ejus uxore, ex altera, in censiva beate Marie Parisiensis, onerata in duobus solidis et dimidio parisiensibus capitalis census, ut dicebant ; alia domus contigua est domui dicti Thome, ex una parte, et granchie que quondam fuit bone memorie Petri, quondam ecclesie Parisiensis archidiaconi, ex altera, in dicta censiva, onerata in triginta denariis parisiensibus capitalis census, ut dicebant. Quas siquidem duas domos, cum jardinis sive pratellis retro dictas domos sitis et omnibus aliis pertinenciis ipsarum, recognoverunt dicti executores, nomine executorio predicti defuncti, se vendidisse et nomine pure vendicionis im perpetuum quittavisse venerabili viro magistro Radulpho de Gonnessia, thesaurario Pictavensi1 et ejus heredibus seu causam habentibus ab eodem, pro triginta libris parisiensibus, etc.............. .


1 Ce personnage est sans nul doute le même que Robert, dit le Petit, de Reims, sergent de l'évêque de Paris, que nous avons vu acheter, le 10 octobre 1256, de Thomas Torchepot, une maison située près de celles dont il est question dans cette pièce. Voir nº DLXIV, p. 522. L. M.
1 C'est encore un nouveau titre donné à Raoul de Gonesse. Voir nº DCXI et note 2, p. 568.
2 Sceau brisé à sa partie inférieure, mais donnant une superbe empreinte du sceau de l'officialité de Paris, dont le contre-sceau fut fait eu 1253. (V. M. de Wailly, Éléments de paléographie.)