École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1291-1300 » 19 mai. 1294

" Petrus Pelliparius de Tilli, de quadam acra terre vendita apud Tilly. "

  • A Original en parchemin scellé. — Inv., p. 77, l. 7, nº 2.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

A touz ceus qui ces lectres verront, le vicomte de Gysorz, salut : Sachent que, par devant Robert Mareschal, tabellion d'Andeli, furent présenz Pierres le Peletier et Jehanne, sa fame, de la parroisse Saint-Martin de Tilly, et requenurent que il avoient ensemble vendu à touz jours, par non de vente, à homes religieus, l'abbé et le couvent des Vaus de Sarnay, une acre de terre, assise en la parroisse desusdicte, entre la terre Denise le Charon, d'une part, et le chemin du roi, d'autre, pour sexante et dis souls parisis, à tenir et à poursseer ladite vente as diz religieus et à leur successeurs, franchement, quitement, bien et en pes, par quatre deniers tournois rendant chascun an de rente à Jehan de la Bourdonnière et à ses hoirs, , en tele manière que ledit Jehan doit venir querre ladite rente surs le lieu ou en la parroisse desurs dite : et promistrent lesdiz vendeurs, etc..........

En tesmoign de ce, nous avons mis à ces lettres le seel de la baillie de Gisorz, sauf autre droit. Ce fu fet .


1 Rouvoisons signifiait Rogations. Ce terme est assez rare au moyen âge ; cependant un acte de 1235, déposé au Trésor des chartes (J. 214, pièce 4), est daté du diemenche après les Rouvoisons. L. M.