École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1271-1280 » 15 mai. 1274

" Littere Johannis de Solerriis et uxoris ejus, qui dederunt duas partes cujusdam arpenti terre. "

  • A Original en parchemin. — Inv., p. 13, l. 4, nº 3.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, officialis Carnotensis, salutem in Domino : Noveritis quod Johannes de Solerriis dedit, contulit et concessit, in puram et perpetuam elemosinam, intuitu pietatis, amore Dei et ob remedium anime sue et parentum suorum, donatione facta inter vivos, abbati et conventui Vallium Sarnaii et eorum monasterio duas partes cujusdam arpenti terre, site in Clauso-Rugier1, juxta terram dictorum abbatis et conventus, in censiva eorumdem abbatis et conventus, moventes ex ejus hereditate seu aquiramento, tenendas, habendas et in perpetuum possidendas a dictis religiosis et eorum monasterio, post mortem dicti Johannis, retento ab eodem Johanne, quamdiu vixerit, in dicta terra usufructu duntaxat. Petronilla vero, uxor dicti Johannis, donationem, elemosinationem et concessionem predictas voluit, laudavit et approbavit. Promittentes dicti Johannes et Petronilla, etc.......

In cujus rei testimonium, ad petitionem dictorum Johannis et Petronille, ejus uxoris, presentes litteras sigillavimus sigillo curie Carnotensis. post Ascensionem Domini.


1 Ce Clos-Runger était situé à Berchères-la-Maingot, et l'abbaye des Vaux de Cernay y possédait déjà différentes terres. Voir nº DLXV, p. 523.