École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Aug. 1210

Carta abbatis de Valle Sarnaii de XXV solidis censualibus et de piscatione stagni.

  • A Arch. de l'Empire. — Cart. blanc : LL. 1257, p. 542.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Frater Guido, dictus abbas Vallium Sarnaii, et ejusdem loci conventus, universis ad quos presens scriptum pervenerit, in Domino salutem : Noverit universitas vestra quod venerabilis abbas H[enricus] beati Dyonisii et ejusdem loci conventus concesserunt nobis, imperpetuum possidendos, decem arpennos et unum quarterium pratorum, in valle de Domna Petra sitorum, et centum arpennos nemoris, quos defunctus Guido1, dominus Cabrosie, in elemosinam nobis legaverat de quarta parte sua nemoris Beati Dyonisii, quam tenebat ab ipsis monachis ; ita quod inde prefatis monachis annuatim persolvemus viginti quinque solidos parisienses censuales, apostoli ; salva ipsis ibidem justicia quantum ad seculares. Et in istis viginti quinque solidis censualibus computabitur ille census, quem ipsis antea solvebamus, secundum tenorem carte quam nobis bone memorie venerabilis abbas Guillelmus jam dudum concesserat2. Et quando abbas Beati Dyonisii ad partes illas accedet, piscari faciet in stagnis nostris, que sunt prope nemus Beati Dyonisii. Quod si de dictis centum arpennis aliquos extirpare voluerimus, de singulis arpennis quos coluerimus, singulis annis reddemus sepefatis monachis duos denarios censuales, ad dictum , preter predictum censum viginti quinque solidorum. Quod, ut ratum sit, paginam hanc sigillo nostro munivimus. Actum .


1 V. l'acte de donation, à cause de mort, fait par Gui de Chevreuse en 1208 (nº CLII).
2 L'abbé des Vaux de Cernay veut parler ici de l'accord de 1179 (nº LIII).