École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » 20 mai. 1282

" Littera super vendicione domus facta magistro Alberico, tesaurario Senonensi, in vico Vassallorum. "

  • A Original en parchemin scellé1. — Arch. du dép. d'Eure-et-Loir, fonds du chap. N.-D. de Chartres, C. 64, nº 3.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Albericus Cornuti, thesaurarius Senonensis et canonicus Carnotensis, salutem in Domino : Noverint universi nos emisse et nomine emptionis recepisse a religioso viro abbate Vallium Sarnaii, exequtore testamenti seu ultime voluntatis olim venerabilis viri defuncti Guillermi de Maanlia, quondam canonici Carnotensis, cum auctoritate et assensu venerabilium virorum dominorum et amicorum nostrorum decani et capituli Carnotensis, quasdam domos, pro parte canonicales, que fuerunt ipsius defuncti, cum suis pertinenciis, sitas Carnoti, in vico Vassallorum, prope portam Valleie, ad exequtionem testamenti ipsius defuncti spectantes, pro precio quatuor centum librarum carnotensium, terminis et condicionibus infra scriptis solvendarum, cum honere eisdem domibus imposito et annexo. In primis confitemur et asserimus predictas domos fuisse et esse annuo redditu centum solidorum carnotensium antea honeratas, annuatim solvendorum ad anniversarium defuncti Johannis Benedicti et ejus uxoris, ab eisdem decano et capitulo annis singulis celebrandum, sub ista tamen condicione et lege quod quandocumque a possessore dictarum domorum centum libre carnotenses ad emendum dictum redditum centum solidorum dictis decano et capitulo persolventur, ex tunc predicte domus a dicto annuo redditu centum solidorum quite et libere remanebunt, dum tamen solvantur per dimidium annum ante diem ipsius anniversarii celebrandi, ne forsitan illo pro defectu redditus dictum anniversarium sub obsequio defraudari contingat. Recognoscimus etiam quod predictus defunctus prefatis decano et capitulo trecentas libras carnotenses, preter redditum annuum centum solidorum predictorum dictis domibus impositum, in suo testamento legavit ad redditus annuos comparandos pro anniversariis suo, patris sui matrisque sue, singulis annis, ab eisdem decano et capitulo celebrandis, bona sua et specialiter domos suas predictas pro ipsis trecentis libris eisdem decano et capitulo obligando. Que quidem trecentum libre dictis decano et capitulo, ut dictum est, debite solventur terminis et condicionibus infrascriptis, videlicet quod nos tenemur et promittimus prefatis decano et capitulo solvere viginti et octo libras carnotenses . Vir vero venerabilis dominus Johannes de Albigniaco, noster concanonicus Carnotensis, solvet et solvere tenebitur, proximo venturum, ipsis decano et capitulo septuaginta et duas libras carnotenses, in quibus tenebatur exequtoribus testamenti dicti defuncti, racione exequcionis predicte, ex emptione domorum in Parvo Bello-Videre sitarum, quas inhabitat idem Johannes, olim ad ipsos exequtores, racione dicti testamenti, spectancium. Quam pecunie summam dictarum septuaginta et duarum librarum et obligationem ipsius ipsi exequtores testamenti dicti defuncti, de consensu ipsius Johannis, memoratis decano et capitulo delegarunt. De residuis vero duccentis libris ipsis decano et capitulo debitis tenemur et promittimus nos reddere centum libras venturum. Pro quibus centum libris solvendis karissimus consanguineus noster magister Robertus Cornuti tenetur satisfacere ipsis decano et capitulo pro nobis de summa sexaginta librarum carnotensium, et ad hec fructus prebende sue anni presentis, ad petitionem nostram, de consensu ipsorum decani et capituli, specialiter obligavit. Residuas vero centum libras, de dictis trecentis libris ipsis decano et capitulo debitis, tenemur et promittimus eisdem reddere , scilicet quod erit . Et est actum specialiter et expresse inter nos, ex una parte, et dictos abbatem, decanum et capitulum predictos, ex altera, quod nos, pro quibuslibet centum libris, tenemur annuatim ex nunc solvere ipsis decano et capitulo centum solidos carnotenses tempestive ad prefata anniversaria a dicto defuncto imposita suis temporibus celebranda, quousque de predictis trecentis libris necnon et de centum libris anterioribus, pro redemptione seu acquitatione annui redditus centum solidorum pro anniversario dictorum Johannis Benedicti et ejus uxoris debitorum, eisdem decano et capitulo plenarie fuerit satisfactum. In cujus rei testimonium et munimen, nos predicti Albericus, thesaurarius Senonensis, Robertus Cornuti et Johannes de Albigniaco, canonici Carnotenses, presentibus litteris sigilla nostra duximus apponenda. .


1 Fragments de deux sceaux de forme ogivale, en cire verte, sur queues de parchemin.Sceau d'Aubry Cornut. — Moïse, en habits sacerdotaux du XIIIe siècle, debout sur le mont Sinaï, la main droite élevée vers le ciel, tient de la gauche les tables de la loi appuyées sur sa poitrine et sur son épaule : de la tête du législateur s'échappent deux jets lumineux en forme de cornes, et dans l'angle supérieur du sceau est un buste à tête nimbée, qui est celui de Jéhovah dictant la loi de son peuple. Légende : S. Alberici Cornuti can. Senon. — C'est ici un des plus curieux emblèmes que le moyen âge ait jamais employés. Aubry Cornut, rien qu'à cause de son nom, se fait représenter sous les traits de Moïse, la tête armée des cornes traditionnelles : c'est assez pour nous faire douter de la modestie du chanoine des églises de Sens et de Chartres. — Nous avons restitué et fait graver ce sceau d'après un autre exemplaire, attaché à une charte donnée en 1273 par Aubry Cornut, alors prévôt d'Ingré, en l'église de Chartres.Sceau de Jean d'Aubigny. — La Vierge tenant l'enfant Jésus ; au-dessous un prêtre à genoux, en prières. Légende : ........ Carno.......