École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1251-1260 » Sept. 1260

" Littere Beatricis de Monte-Letherico et filie ejus, de concessione VI arpentorum vinee, anno MCCLXo. "

  • A Original en parchemin. — Inv., p. 65, l. 7, nº 22.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus presentes litteras inspecturis, oflicialis curie Parisiensis, salutem in Domino : Notum facimus quod Beatrix, quondam uxor defuncti Jeuberti, dicti Monachi-Albi, et Odelina, ejus filia, quondam filia dicti defuncti Jeuberti, ut dicebant, asseruerunt et recognoverunt coram nobis quod dictus Jeubertus, tempore quo vivebat, ob remedium anime sue, donatione facta inter vivos, dederat et concesserat, in puram et perpetuam elemosinam, religiosis viris abbati et conventui Vallium Sarnay, quasdam vineas, videlicet tria arpenta sita in territorio quod dicitur la Flote, et alia tria arpenta sita in territorio quod dicitur Luisant, ut dicebant, retento tamen sibi, quamdiu viveret dictus Jaubertus, usufructu in vineis supradictis ; quas vineas acquisierat idem defunctus antequam contraheret matrimonium cum dicta Beatrice, ut dicebant dicte mulieres ; quas vineas dicte Beatrix et Odelina, ejus filia, et omne jus et dominium et eciam quicquid juris habebant vel habere poterant in dictis vineis quoquo modo dictis religiosis quitaverunt coram nobis penitus et expresse, pro viginti libris parisiensibus ; promittentes, etc....... .