École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » Apr. 1290

" Ne Hospitalarii habeant pasturas in nemoribus nostris de Tyvernon. "

  • A Original en parchemin scellé. — Inv., p. 48, l. A, nº 6.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Philippus, Dei gratia, Francorum rex, universis presentes litteras inspecturis, salutem : Notum facimus quod cum procurator abbatis et conventus monasterii Vallium Sarneii proposuisset et se probaturum obtulisset contra priorem et fratres Hospitalis sancti Johannis Jherosolimitani, coram preposito nostro Parisiensi, quod dicti prior et fratres non habebant jus mittendi in pasturam animalia sua in nemoribus de Tyvernon, pertinentibus ad dictos abbatem et conventum, licet super possessione pro dictis priore et fratribus Hospitalis judicium latum fuisset coram dicto preposito Parisiensi ; diceret etiam procurator dictorum abbatis et conventus quod quandocumque prior et fratres predicti mittebant in pasturam animalia sua in dictis nemoribas erant in possessione capiendi ea et levandi emendas : quare petebat procurator dictorum abbatis et conventus pronuntiari per jus et dici per dictum prepositum quod dicti prior et fratres non haberent jus mittendi in pasturam animalia sua in nemoribus predictis. Parte adversa in contrarium asserente quod ipsi prior et fratres erant in possessione mittendi in pasturam animalia sua in dictis nemoribus per tantum tempus quod sufficit ad jus acquirendi. Tandem super premissis lite contestata, receptis probationibus et juris ordine in omnibus observato, die assignata coram dicto preposito ad judicium proferendum, presentibus partium procuratoribus, dictus prepositus per judicium pronunciavit dictos priorem et fratres Hospitalis non habere jus mittendi sua animalia in pasturam in nemoribus antedictis. A quo judicio tanquam de pravo et falso procurator dictorum prioris et fratrum ad nos appellavit. Viso itaque processu judicii per dictum prepositum super petitorio lati, visis etiam probationibus et rationibus partium, intellectis procuratoribus utriusque partis petentibus jus sibi reddi, pronuntiatum fuit per curie nostre judicium procuratorem dictorum prioris et fratrum male appellasse, judicium dicti prepositi pro dictis abbate et conventu prolatum super petitorio confirmantes. In cujus rei testimonium, presentibus litteris nostrum fecimus apponi sigillum. Actum Parisius, .