École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Feb. 1208, n. s

De venditione totius decimæ terræ de Hermenon.

  • A Original en parchemin. — Inv. p. 90, l. 2, nº 2.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Odo, Dei gratia, Parisiensis episcopus, notum facimus omnibus, presentibus pariter et futuris, quod Bernardus de Curia Bertini, miles, in nostra presentia constitutus, recognovit se vendidisse monachis de Vallibus Sarneii totam decimam de tota terra sua de Hermenon, pro viginti quatuor libris parisiensibus, ad elemosinam porte abbatie de Vallibus ampliandam. Hoc etiam, fide data in manu nostra, promisit idem B[ernardus] firmiter servaturum et garantiam laturum. Hoc idem laudaverunt coram nobis frater ejus, Bartholomeus de Curia Bertini, miles, de quo ipse tenet terram supradictam, et Hugo Bevanz, miles, de cujus feodo est eadem terra ; et, fide data in manu nostra, se laturos garantiam super hoc promiserunt ; et Sevinus Heraudi similiter. In cujus rei testimonium, presentem paginam fieri fecimus et sigilli nostri appositione communiri. Actum .