École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1291-1300 » 9 mai. 1298

" Laurencius de Torni, de una acra terre. "

  • A Original en parchemin. — Inv., p. 97, l. 3, nº 9.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

A touz ceus qui ces lettres verront et orront, Nicolas Gascoing, clerc, garde du scel de la prévosté de Vernon, saluz : Sachent tuit que par devant nous furent présens Lorenz de Tourny et Maheut, sa fame, de la paroisse de Pressengny-l'Orguelleus, si comme il disoient, et recognurent que il avoient vendu, quitié et délessié à touzjours, par non de vente, à homes relegieus, l'abbé et le couvent de Sarnay, une acre de terre, assise en la paroisse de Heubecourt, entre Pierre de Tourny, d'une part, et les diz religieux, d'autre, aboutant au chemin le roy, pour quatre livres tournois, à tenir, à avoir et à pourseer par droit héritage la vente dessus dite au dis relegieus et à leurs successeurs, franchement, quitement et em pes, par dis et huit deniers parisis rendans chascun an à Johen de Gyencourt, escuier, , sanz nulle réclamance desdiz vendeurs ou de leurs hoirs, à fere des ore en avant. Et promistrent et jurèrent, etc...............................

En tesmoing de laquele chose, nous, à la requeste des parties, avon seelé ces lettres du seel de la prévosté de Vernon, sauf le droit le roy et l'autrui. Ce fu fet l'.