École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1251-1260 » Sept. 1253

" Littere domine Agnetis de Brueriis, de quadam medietate herbergagii quam dedit nobis Petronilla, relicta defuncti Petri Brionii de Brueriis. "

  • A Original en parchemin. — Inv., p. 130, l. 1, nº 5.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Agnes, de Brueriis domina, nobilis viri Thome quondam dicti loci domini relicta, salutem in Domino : Notum facio quod Johannes, filius et heres defuncti Petri Brionii, quem suscepit ab ipso Petro Agnes, dicta la Goasche, uxor quondam et nunc relicta ipsius Petri, recognovit et asseruit coram me quod ratas habebat et gratas porciones seu divisiones domus illius que quondam fuit dicti P[etri], patris ipsius Johannis, et Petronille, quondam uxoris ipsius defuncti, prout jamdudum facte fuerunt et metate sive bonate inter ipsum J[ohannem] et dictam Agnetem, ejus matrem, de consilio amicorum suorum, ex una parte, et religiosos viros abbatem et conventum Vallium Sarnaii, ex altera. Quam domum sive herbergagium, cum omnibus pertinentiis suis, prout se comportabat a principio antequam divideretur, acquisierant predictus Petrus et Petronilla2. Que Petronilla, in ultima voluntate sua et bene compos mentis sue, pie ac provide dictis religiosis dedit et concessit medietatem tocius herbergagii predicti, ab eisdem, in puram ac perpetuam elemosinam, possidendam et tenendam. Recognoverunt insuper predicti Johannes et Agnes, sua mater, quod post decessum predictorum Petri et Petronille dictum herbergagium partitum fuit et divisum inter ipsos, ex una parte, et dictos religiosos, ex altera, in hunc modum, quod dicti religiosi habuerunt pro rata sua plateam in qua nunc sedet granchia sua et ortulus eorumdem eidem granchie contiguus, cum quadam platea in qua sedet porta dictorum Johannis et Agnetis, quam sub annuo censu dicti religiosi concesserunt eisdem ; predicti vero Johannes et Agnes pro rata sua habuerunt domum predictam vicinam granchie dictorum monachorum. De quibus parcionibus seu divisionibus, sicut superius dictum est, tenendis et observandis imperpetuum, prout facte sunt et bonate, idem Johannes fidem in manu mea prestitit corporalem, sub fidei prestite religione promittens quod, ratione minoris etatis seu hereditatis, vel qualibet alia ratione vel jure, contra premissa vel aliquid premissorum, per se vel per alios, non veniet in futurum, set omnia premissa et singula fideliter observabit. In cujus rei testimonium, ad peticionem dicti Johannis, dictis religiosis litteras meas dedi et concessi sigilli mei impressione munitas. Actum .


2 Nous voyons dans une charte du mois d'avril 1226, nº CCLXIII, p. 250, que Pierre Brione avait acheté cet hébergement de Raoul Gaubert.