École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » 5 jun. 1277

" De terra quam nobis vendidit Benedictus major apud Bercherias. "

  • A Original en parchemin. — Inv., p. 15, l. 6, nº 12.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, officialis curie Carnotensis, salutem in Domino : Noveritis quod Benedictus, major de Bercheriis-les-Maingot, et Ermengardis, ejus uxor, recognoverunt se vendidisse et nomine venditionis concessisse religiosis viris abbati et conventui Vallium Sarneii, pro octo libris carnotensibus, quandam peciam terre quam dicebant se habere, sitam in parochia de Bercheriis-les-Maingot, moventem ex hereditate dicti Benedicti, in censiva dictorum religiosorum, in capite vici dictorum religiosorum, juxta terram defuncti Johannis Oyllon, ex una parte, et juxta dictum vicum, ex altera. Quam terram venditam dicti venditores quitaverunt coram nobis diclis emptoribus et eorum successoribus in futurum, cum omni jure, dominio, proprietate et possessione, que in dicta terra vendita habebant vel habere poterant, etc................ In cujus rei testimonium, ad peticionem dictorum venditorum, presentibus litteris sigillum curie Carnotensis duximus apponendum. post octabas Trinitatis estivalis.