École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Jan. 1245, n. s

" C. Amaurici militis de Sarquolte, de concessione cujusdam decime, ex dono Archenoudi et ex concessione Archemboudi. "

  • A Original en parchemin. — lnv., p. 89, l. 1, nº 6.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Amalricus, dominus de Sarqueuse, miles, salutem in Domino : Noveritis quod donationem quam Archenoudus de Sarqueuse, nuper defunctus, homo noster ligius, quondam fecit abbati et conventui Vallium Sarnaii de universis bonis suis et maxime de septem sextariis annui redditus, quos dictus Archenoudus habebat in grangia dictorum monachorum sita apud Urfinum, de quadam decima que a nobis movebat ; insuper venditionem quam Archemboudus fecit supradictis monachis de aliis septem sextariis annui redditus quos habebat in dicta grangia supradictorum monachorum de decima supradicta, quam dictus Archemboudus a Symone, fratre nostro, milite, tenebat in feodum de quodam augmento feodi quod eidem Symoni dederamus, et eam dictus Symon, frater noster, a nobis in feodum tenebat ; et etiam laudacionem et confirmacionem quam dictus Symon, frater noster, fecit de rebus predictis, prout in ejusdem litteris continetur1, nos, ad preces et instanciam dicti Symonis, fratris nostri, laudamus et confirmamus dictis monachis habendum et perpetuo possidendum. Et hec omnia supradicta Eustachia, uxor nostra, et Symon, filius noster, concesserunt et laudarunt. In cujus rei testimonium, presentes litteras sigilli nostri munimine fecimus roborari. Actum .


1 Voir la charte précédente.