École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » 1229

De donatione cujusdam peciæ prati subtus villam de Champranton.

  • B Copie — Décl, fº 88 rº.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Ego Henricus de Vaus, miles, notum facio universis præsentes litteras inspecturis quod Guiardus de Vaus dedit monachis Sarnaii, in perpetuam elemosinam, quandam peciam prati subtus villam de Champranton sitam, contiguam prato eorumdem monachorum : quam donationem Robertus, Johannes, Petrus et Mathildis voluerunt et expresse concesserunt, et quod in prædicta elemosina nichil de cætero reclamarent, fidem dederunt corporalem. Dictus etiam Guiardus obligavit fide media quod si aliquis hæredum suorum dictos monachos super dicta donatione molestaret, ipse tenetur garantizare eandem donationem, et expensas omnes, et damna, et gravamina quæ super hoc monachi sustinerent de suo emendare. Ego insuper Henricus prædictus sæpedictam elemosinam volui et concessi, et eam, sicut dominus feodi, contra omnes homines teneor garantizare, ut monachi Vallium Sarnaii eandem elemosinam in perpetuum possideant, liberam ab omni servitio atque quietam. Mathildis etiam uxor mea hæc omnia voluit et concessit, et promisit quod in eadem elemosina nichil de cætero per se vel per alium reclamabit. In quorum omnium testimonium et munimen, præsentes litteras sigillo meo roboravi. Actum .