École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » Nov. 1282

" Johannis de Mandrosa, armigeri, et Johanne, uxoris ejus, de octoginta arpentis nemorum. "

  • A Original en parchemin scellé1. — Inv., p. 95, l. 1, nº 9.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, ego Johannes de Mandrosa, armiger, et Johanna, uxor mea, salutem in Domino : Notum facimus quod, ob remedium animarum nostrarum et predecessorum nostrorum, unanimi assensu, spontanea voluntate, non coacta, sani corpore et incolumes, concedimus, laudamus, donamus ac etiam approbamus, in puram et perpetuam elemosinam, sine spe revocandi, religiosis viris abbati et conventui Vallium Sarnaii, octoginta arpenta nemoris cum fundo terre, prout dictum nemus in longitudinem et latitudinem se comportat, situm in haya de Batoncel, contiguum, ex una parte, decem arpentis nemoris que fuerunt pie memorie Almarici de Mandrosa, militis, patris mei ; et devenerunt dictis religiosis ex donacione Almarici supradicti de Mandrosa, militis, et ex altera parte, nemori Johannis, dicti le Fauconnier, et ex altera, cuidem lacui sive marchesio, qui vocatur vulgariter Lacus-Clarus, et ex altera, haye de Mandrosa : que octoginta arpenta nemoris tenebamus et possidebamus, ratione conquestus facti postquam ego dictus Johannes et dicta Johanna fuimus pariter conjungati. Quod nemus volumus et concedimus ut dicti religiosi teneant et possideant tanquam propriam hereditatem, etc.......................

In cujus rei testimonium et munimen, presentes litteras predictis religiosis sigillo meo, una cum sigillo predicte Johanne, uxoris mee, dedimus sigillatas. .


1 Ce sceau a été décrit à la charte précédente.