École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Nov. 1228

De domo super Sequanam, retro ecclesiam Sancti Martini, ex traditione capituli Rothomagensis.

  • A Original en parchemin scellé2. — Inv., p. 137, nº 3.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus Christi fidelibus ad quos presens scriptum pervenerit, Thomas, decanus totumque capitulum Rothomagense, salutem in Domino : Noveritis me concessisse et tradidisse in perpetuum Radulpho, clerico de Sahiis, et Biatrici, uxori ejus, totum tenementum nostrum ligneum et lapideum quod est super Secanam situm, videlicet retro ecclesiam Sancti Martini1, sicut se proportat longitudine et latitudine, cum toto porprisio, tenendum et possidendum, eisdem Radulfo videlicet et Biatrici, et eorum heredibus, de nobis in feodum et hereditagium, bene et in pace, reddendo inde nobis annuatim, , quatuor libras et duodecim solidos usualis monete, apud Rothomagum, ad obitum Heloisie Malasnon. Et sciendum quod Johannes de Castello et Matildis de Mala-Palude, uxor ejus, dictum tenementum de nobis tenuerant ; sed, ipso Johanne mortuo, ipsa Matildis et Petrus de Maudestor vir ejus, pro se et pro suis heredibus, ipsum tenementum nobis reddiderunt et abjuraverunt. Similiter Robertus de Castello et Ernulfus Belet, fratres et heredes dicti Johannis de Castello, pro se et pro suis heredibus, ipsum tenementum nobis reddiderunt et omnino reliquerunt, et quietum in perpetuum clamaverunt. Et nos tenemur jamdictis Radulfo videlicet et Biatrici, et eorum heredibus ipsum tenementum contra omnes gentes guarantizare per redditum antedictum. Et licet eis et eorum heredibus facere omnem voluntatem suam integre de ipso tenemento, sicut de suo proprio, salvo tamen nostro redditu antedicto et jure dominico. Quod ut ratum et stabile sit in perpetuum, hanc presentem cartam eis fecimus, et eam sigillo nostro affirmavimus ; et dictus Radulfus, clericus, de dicto tenemento fecit nobis homagium. Actum .


1 V. nºCXXVII, p. 145.
2 Grand sceau en cire jaune, sur queue de parchemin. Femme nimbée (probablement la Vierge), assise sur un trône entre le soleil et la lune, tenant de la main droite une fleur de lis et de la gauche un livre. Légende : † Sigillvm [capi]rvli Rotomagensis ecclesie. Contre-sceau de même forme. Agneau portant le drapeau de la Résurrection surmonté d'une croix. Légende : 7 † Ecce agnvs Dei (Gravés.). — Ce sceau devait être nouveau : car la charte de l'année 1208 (nº CXXVII, p. 145) offre le même type, mais un peu plus petit et sans contre-sceau. A. M.