École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Mart. 1225, n. s

De donatione decimæ apud Thelesvillam.

  • A Original en parchemin. — Inv., p. 12, l. 2, nº 4.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Galterius, divina permissione, Carnotensis ecclesie minister humilis, universis presentes litteras inspecturis, salutem in Domino : Noverit universitas vestra quod Johannes Morchier, clericus, in nostra presentia constitutus, concessit et donavit, in perpetuam elemosinam, totam decimam suam quam habebat apud Thelesvillam1 abbatie et monachis Vallium Sarneii, exceptis duobus modiis, uno bladi, altero avene quos dedit et concessit ecclesie beati Andree de Castriduno, post obitum suum, in eadem decima percipiendos, ad mensuram carnotensem, in singulis annis, et de eadem decima idem Johannes Morehier in manu nostra se devestivit et desessivit ; et nos, ad peticionem ipsius Johannis, eandem donationem ab ipso dictis ecclesiis factam ratam habemus, approbamus et confirmamus, et de eadem decima ecclesias prefatas seisivimus et investivimus. In cujus rei testimonium et cautelam, presentes litteras fieri fecimus et sigilli nostri munimine roborari. Actum .


1 V. nº CLXVIII, p. 179.