École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1251-1260 » Jan. 1253, n. s.

De venditione sexdecim sextariorum annui redditus in grangia des Ebisoers.

  • A Original en parchemin. — Inv., p. 146, l. 2, nº 8.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus presentes litteras inspecturis, officialis archidiaconi Pissiacensis in ecclesia Carnotensi, salutem in Domino : Notum facimus quod Gaufridus de Hunaria, miles, et Philippa, uxor ejusdem, vendiderunt et venditionis titulo concesserunt viris religiosis abbati et conventui Vallium Sarnaii sexdecim sextarios tam bladi quam avene annui redditus, que habebant et percipiebant annuatim in quadam granchia dictorum religiosorum, que dicitur les Ebisoers juxta Plesiacum, ut dicebant ; que pertinebant ad ipsos, ut dicebant, ratione dotalicii seu donacionis propter nuptias eidem Philippe ab Almarico de Alneto, armigero, quondam marito suo1, tempore contracti inter eos matrimonii, assignati, pro precio viginti quatuor librarum parisiensium, de quibus tenuerunt se plenarie pro pagatis. Dicta vero Philippa de dicto dotalicio seu donacione propter nupcias et de omni jure quod ibidem habebat vel habere poterat quoquomodo, de voluntate et mandato Gaufridi, mariti sui predicti, spontanea non coacta, se in manu nostra desesivit. Et nos, ad petitionem Gaufridi et Philippe predictorum, fratrem Leobaldum monachum, dicti monasterii procuratorem, nomine ipsius monasterii, sesivimus de redditu supradicto, et de omni jure quod ibidem habebant vel habere videbantur. Promiserunt autem sepedicti Gaufridus et Philippa, etc......... In cujus rei probationem et testimonium, ad petitionem predictorum Gaufridi et Philippe, nos presentes litteras sigillo curie archidiaconi Pissiacensis in archidiaconatu duximus sigillandas. Actum .


1 Voir note 1, p. 466.