École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1251-1260 » Jun. 1257

" C. de commutatione facta inter nos et nobilem dominam, scilicet uxorem defuncti Symonis de Logiis, videlicet de I modio frumenti quod habebamus in granchia sua de Monteigniaco et de tribus arpentis prati que tenemus. "

  • A Original en parchemin. — Inv., p. 131, l. 2, nº 10.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, officialis curie Carnotensis, salutem in Domino : Noveritis quod Agnes, relicta Simonis de Logiis, quondam militis, vidua, asserens se habere ex hereditate sua circiter tria arpenta prati, sita inter Vadum-Serratum et Fabricas, contigua, ut dicitur, ex una parte terre Philippi majoris de Vado-Serrato, et ex altera parte terre liberorum defuncti Guidonis de Vado-Serrato, in censiva Guillermi de Vervilla, militis, solventia, ut dicitur, viginti sex denarios parisienses annui census, absque omni alia redibentia seu costuma ; asserens etiam religiosos viros abbatem et conventum Vallium Sarneii percipere et habere, et consuevisse percipere et habere quolibet in granchia de Montigniaco, que est, ut dicitur, liberorum Agnetis et Simonis predictorum, unum modium frumenti ad mensuram de Caprosia, ex donatione, in elemosinam perpetuam, dictis religiosis a dicto Simone facta ; recognovit se pro dicto modio frumenti excambivisse seu permutavisse cum dictis religiosis dicta circiter tria arpenta prati. Que tria arpenta prati vel circa eadem Agnes, cum proprietate et possessione quas in eis habebat et habere poterat, quitavit dictis religiosis in futurum, predictas proprietatem et possessionem in eosdem religiosos ex nunc penitus transferendo ; promittens, etc..................... Insuper eadem Agnes confessa fuit se debere, de arreragiis dicti modii frumenti annui redditus, quinque modios frumenti ad dictam mensuram ; quos quinque modios frumenti ad dictam mensuram, si dictam permutationem retractari contigerit, dicta Agnes promisit per fidem suam se reddituram dictis religiosis, facta tamen dicta retractione ; et ad dictos quinque modios frumenti reddendos, ut dictum est, ipsa Agnes se et heredes suos universos et singulos dictis religiosis in perpetuum obligavit ; renuncians, etc......................... In cujus rei testimonium et munimen, sigillavimus presentes litteras sigillo curie Carnotensis. .