École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Seconde moitié XIIe siècle » Circa a. 1168

Carta Joscelini de Alneolo, ex dono de Proveirlu Ade de Capella.

  • A Original en parchemin. — Inv., p. 84, l. 1.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Quante sit utilitatis priscorum gesta memorie futurorum litteris intimare, omni racione pollenti, dinoscitur elucere : Eapropter ego Joscelinus de Alneolo, scriptis presentibus universis notificari volo, quod Adam de Capella et Florya, uxor ejus, ac Ermengard filia eorum, uxor scilicet Hugonis de Stampis, filiique eorum videlicet Adam, Amarricus et Hemericus, Deo ac monachis sancte Marie de Sarnaio, in perpetuam elemosinam, totam terram suam de Proveirleu, ad grangiam construendam, dederunt. Concessit etiam hanc elemosinam Guiburc1, soror Adam, cum filiis ac filiabus suis, scilicet Roberto, Joscelino, Millesende, Isabel, Ascelina et Florya. Uxor vero supradicti Roberti, qui hec concessit cum filia sua Isabel, vocatur Gila : filii Milessendis, uxoris Guarini, Renaldus monachus, Adam, Guiburc, Florya, Belya et Bretta : filii Isabel, uxoris Radulfi de Bretonvilla, Stephanus et Arnulfus : filii Asceline, uxoris Guarini d'Escure, Willelmus, Nevelonus, Robertus, Eustacia et Berta. Omnes isti, cum supradictis patribus suis, prescriptam elemosinam concesserunt. Quando Robertus, cum uxore sua et filia predicta, concessit, affuerunt isti testes : Syvinus Gorloen, Adam de Capella, Girbertus Froeline, Stephanus Ruffus, Jebertus de Offergiis. Quando Milessendis, cum filiis suis : Herveus sacerdos de Recleinvilla, Ascelinus de Hoevilla et Radulfus filius ejus, ac Johannes de Charmereia. Quando Isabel, cum liberis suis : Adam de Capella, Girbertus Froeline, Jebertus de Offergiis. Testes Asceline ac liberorum ejus : Isnardus de Guarenceriis, Manerius de Crechis, Odo famulus Adam, Johannes de Abluies, Herbertus d'Escure, Reinerius de Saucei et Guarinus frater ejus. Concedo et ego Joscelinus de Alneolo hanc elemosinam, de cujus feodo est, cum filiis meis Guidone, Joscelino, Gaufrido, Johanne. Et ut eam predicti monachi inconcusse teneant, sigilli mei auctoritate confirmo. Ex karitate vero monachorum, pro hac elemosina, recepit predictus Adam cum uxore sua C libras parisienses minus centum solidis. Testes : Poelinus de Livesvilla1, Radulfus de Veisins, Radulfus Vitulus, Hemericus de Tuvilla, Rogerius clericus, Girbertus Froeline.


1 Dans l'acte suivant, Guiburc est appelée de La Baata, sans doute du nom de son mari. En 1232, nous trouvons Philippus de La Baata, fils de Robert, dont il est question dans cette charte. L. M.
1 En 1175, Poolin de Levescilla donne à l'abbaye de Saint-Cheron deux arpents de terre à Saint-Cheron-du-Chemin.