École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » 29 apr. 1279

Carta Radulphi de Malo-Alneto, de duobus solidis parisiensibus annui redditus super unam peciam vineæ in trelio de l'Erable.

  • A Original en parchemin. — Inv., p. 81, l. 10, nº 2.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Noverint universi presentes et futuri quod ego Radulphus, dictus de Malo-Alneto, de assensu et voluntate Agnetis, uxoris mee, pro salute anime mee et antecessorum meorum, dedi et concessi, in puram, liberam et perpetuam elemosinam, religiosis viris abbati et conventui ecclesie beate Marie Vallium Sarnaii, pro participatione orationum habenda que fient in perpetuum in ecclesia antedicta, duos solidos parisienses annui redditus, sitos et assignatos super unam peciam vinee, sitam in Plantis-Ulme, in trelio de l'Erable, inter vineam Guillelmi Jiaut, ex una parte, et vineam Natalis, dicti Taupin, ex altera ; tenendos et in perpetuum possidendos, habendos et recipiendos predictos duos solidos parisienses annui redditus, predictis religiosis et eorum successoribus de me et heredibus meis sive ab illis quibuscumque qui predictam peciam vinee tenebunt et possidebunt, singulis annis, , libere, quiete et pacifice, absque aliqua mei vel heredum meorum reclamatione de cetero facienda. Et ego predictus Radulphus et heredes mei tenemur predictos duos solidos parisienses annui redditus predictis religiosis et eorum successoribus contra omnes gentes fideliter in perpetuum garantizare et deliberare ; et si forte contigerit quod predicti religiosi vel eorum successores, occasione hujus donationis et concessionis vel pro defectu garantie mei vel heredum meorum, aliqua dampna sive deperdita incurrerint, obligavi eisdem in contraplegium domum et masuram meam sitam apud Gamilliacum, inter clausum dictorum religiosorum, ex una parte, et masuram Guillelmi Belin, ex altera, ad omnia dampna et deperdita sua, valore ad valorem, restauranda. Et ut hec donatio et concessio perpetue firmitatis robur obtineat, presentem cartam sigilli mei munimine confirmavi. Actum evangeliste. Testibus hiis : Roberto, scriptore ; Nicholao Caillel ; Rogero de Castello, et pluribus aliis.