École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Nov. 1228

" Carta capituli de Vernone et Nicholai canonici, super compositione facta inter nos et predictum Nicholaum, super communione murorum ejusdem circa porprisium nostrum. "

  • A Original en parchemin. — Inv., p. 72, l. 2, nº 7.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Nicholaus, canonicus ecclesie beate Marie de Vernone, salutem in Domino : Noveritis quod cum verteretur contentio inter me ex una parte et Th[omam] abbatem et conventum Vallium Sarnaii ex altera, super eo quod ego Nicholaus superedificando occupaveram partem aliquantulam muri monachorum et super eo quod stillicidium domus mee cadebat ante parvum cellarium monachorum ; tandem, consilio domini [Ricardi], Ebroicensis episcopi et proborum virorum, dicta contentio sopita est in hunc modum : videlicet quod illud quod edificatum est super murum monachorum remanebit, ita quod non possit fieri fenestra a parte monachorum nisi de voluntate eorum, et fenestra que facta est obstruetur, nec ipsi monachi potuerunt aliquam fenestram facere a parte mea nisi de mea voluntate vel de voluntate heredum meorum. Guttaria etiam per quam stillicidium cadit ante cellarium monachorum amovebitur, nec aliqua gutta a parte mea cadet in partem monachorum, nec gutta a parte monachorum cadet in partem meam, nisi de communi assensu. Omnes vero muri mei, qui sunt in circuitu porprisii dictorum monachorum, communes erunt. Quod ut ratum et stabile in perpetuum perseveret, bas presentes litteras sigillo capituli beate Marie et proprii sigilli appensione feci roborari. Actum .