École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » Nov. 1277

De venditione sex acrarum et dimidiæ terræ in parrochia Sancti Sulpicii.

  • A Original en parchemin scellé1. — Inv., p. 80, l. 9, nº 19.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Noverint universi tam presentes quam futuri, presentes litteras inspecturi, quod ego Johannes de Bosco-Girelmi, miles, et ego Agnes, ejusdem militis uxor, de communi assensu nostro et voluntate omnium heredum nostrorum, vendidimus, concessimus et hac presenti carta nostra confirmavimus religiosis viris abbati et conventui Vallium Sarnaii sex acras et dimidiam terre arabilis, sitas in parrochia Sancti Sulpicii, juxta terram canonicorum de Salicosa, ex una parte, et juxta forestam de Vernone, ex altera, et inter terram Odonis Castellani, ex una parte, et terram Johannis, dicti Borel, de Bosco-Girelmi, ex altera, pro viginti et duabus libris et quindecim solidis parisiensibus, etc.........

Et si forte contigerit quod non liceat dictis religiosis dictam terram tenere et possidere in usus suos proprios, sicut dictum est, tenebimur eis totam dictam summam pecunie, integraliter et plenarie, reddere et restituere infra duos menses postquam dicta terra a manibus ipsorum religiosorum exiverit, absque aliqua deductione vel restitutione habenda de fructibus perceptis de terra antedicta ; et etiam tenebimur eis reddere omnia dampna et deperdita que ipsos sustinere continget occasione predicta ; que dampna et deperdita potuerunt declarare proprio sacramento cujuscumque persone de collegio ipsorum. Et ut hoc firmum et stabile permaneat et duret in posterum, ego predictus Johannes, miles, et ego Agnes, ejusdem uxor, tradidimus dictis religiosis presentem cartam sigillorum nostrorum munimine roboratam. Actum .


1 Deux sceaux en cire brune, sur double queue de parchemin.Sceau de Jean. — Un écu de......... à une bande fuselée de........ Légende : S. Iohannis de Bosco Geravmi m....... (Gravé.)Sceau d'Agnes. — Une aigle à deux têtes, au vol abaissé. Légende : S. Agnetis fi[lie Iouis] de domib[vs] milit[is]. Nous avons restitué ce sceau à l'aide dune seconde empreinte jointe à une charte du 13 septembre 1280.