École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » Mai. 1278

" Guillelmus de Fourques et uxor ejus, pro quodam prato. "

  • A Original en parchemin scellé1. — Inv., p. 147, l. 2, nº 14.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Guillermus de Fourqeus, miles, et Margareta, ejus uxor, salutem in Domino : Noveritis nos vendidisse viris religiosis abbati et conventui Vallium Sarnaii, unum arpentum prati quod habebamus et possidebamus, de conquestu nostro, ac etiam dominio, situm prope Plesiacum, movens primo de feodo domini G[uidonis], castellani de Nealpha, et ejus heredum, contiguum, ex una parte, secundum longitudinem, pratis dictorum religiosorum, et ex altera parte, secundum latitudinem, similiter pratis eorumdem ; item contiguum, ex altera parte, in latitudine, prato magistri Simonis de Nealpha et prato Roberti, dicti Postel ; iterum, ex altera parte, in latitudine, terre arabili que est in censiva dicti Guillermi, militis, et ejus uxoris, quod pratum fuit antiquitus Vicecomitisse de Chateron, habendum et tenendum ab ipsis religiosis, in perpetuum, in manu mortua, liberum, quitum ab omni censu, consuetudine et costuma, pro sexdecim libris parisiensium, etc................ In cujus rei testimonium, dictis religiosis litteras nostras dedimus sigillatas. .


1 Fragment de sceau en cire brune, sur double queue de parchemin. Une femme debout. Légende : .....arga.... de Fovrc......