École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1291-1300 » Aug. 1291

" Petrus le Camus, de permutacione duarum peciarum terre quas habebamus apud Tilli pro una apud Sanctum Sulpicium. "

  • A Original en parchemin. — Inv., p. 77, l. 7, nº 4.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Petrus de Prepositura, tunc temporis custos prepositure Vernonis, salutem in Domino : Noverit universitas vestra quod, cum religiosi viri abbas et conventus de Sarnayo tenerent et possiderent duas pecias terre, sitas in parrochia de Tylliaco, de feodo et dominio Petri, dicti le Camus, armigeri, ut dicebat, videlicet unam peciam inter terram Philippi de Bucleinvilla, armigeri, ex parte una, et iter publicum de Andeliaco, ex altera ; et alteram peciam, sitam retro villam predictam de Tylliaco, juxta terram dicti Petri, ex parte una, et terram Johannis, dicti Conmencail, ex altera ; et idem Petrus, asserens se dominum capitalem earumdem peciarum, dangerium fecisset dictis religiosis de alienando duas dictas pecias terre seu deponendo eas extra manum mortuam : tamdem, pro bono et commodo utriusque partis, dicte partes permutationem fecerunt de dictis duabus peciis, datis et permutatis et ex causa permutationis et excambii translatis a dictis religiosis in dictum Petrum, armigerum, pro una pecia terre sita in parrochia Sancti Supplicii, in feodo seu dominio Stephani de Insula, armigeri ; de qua pecia terre debentur Radulpho, dicto Jaques, de Hericuria, annuatim, , duodecim denarios parisienses de censu. Et promisit dictus Petrus, etc......................

In cujus rei testimonium, ad petitionem partium, sigillum prepositure Vernonis presentibus litteris duximus apponendum. Actum .