École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1251-1260 » Nov. 1256

De commutatione unius modii bladi in campiparte de Bandevilla.

  • B Copie du XVIe siècle. — Inv., p. 137, 1. 3, suppl.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus presentes litteras inspecturis, Symon de Bandevilla, miles, salutem in Domino : Notum omnibus fieri cupio quod cum viri religiosi abbas et conventus Vallium Sarnaii haberent, possiderent ac in manu mortua diu et pacifice tenuissent et possedissent, ex dono parentum et antecessorum meorum, unum modium bladi annui redditus in campiparte mea de Bandevilla1, tandem inter dictos religiosos, ex una parte, et me, ex altera, utriusque partis utilitate pensata, talis commutationis compositio intervenit, videlicet quod prefati religiosi dictum modium bladi annui redditus quem in campiparte mea predicta habebant, tenebant et possidebant, michi et heredibus seu successoribus meis resignaverunt et penitus quittaverunt, tali modo et pacto quod ego, in modum commutationis vel excambii, in loco dicti modii bladi, eisdem religiosis dedi, assignavi, tradidi et liberavi duo arpenta prati in uno tenenti, sita subtus Bandevillam, juncta et contigua ex uno latere pratis Guillermi, fratris mei, armigeri, et ex alio quibusdam aliis pratis meis, tenentia a parte inferiori cuidam rivulo aque qui dicitur Gacellum-Martini, a parte superiori terris meis arabilibus, ab eisdem religiosis et eorumdem successoribus, in manu mortua, libere, quiete et pacifice, ab omni censu et redibentia seu quolibet alio honere servili libera et immunia, im perpetuum tenenda et possidenda. Si autem, processu temporis, dictos religiosos super dicto excambio seu commutatione contingeret inquietari et perturbari quoquomodo, dictum modium bladi in campiparte mea predicta more solito rehaberent, etc......................... In cujus rei testimonium et munimen, presentes litteras sigilli mei impressione munivi. Actum .


1 Voir nos CXCIII, p. 197, et CCCXLVIII. p. 319.