École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1261-1270 » Apr. 1263

Testamentum Johannis, castellani Buneti-Castri.

  • B Copie. — Déclaration de 1511, fº 149 rº.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Ego Johannes, castellanus Buneti-Castri et dominus de Molignon, notum facio universis præsentes litteras inspecturis, quod ego, mentis meæ compos, testamentum meum disposui, condidi, et legavi dilectis meis in Christo religiosis viris abbati et conventui Vallium Sarnaii et eorum ecclesiæ, in puram elemosinam, quintam partem totius hereditatis meæ de Ulneio, pro anniversario meo et Hersendis, uxoris meæ, et Johannis, filii mei, et Aalidis, filiæ meæ, singulis annis, in prædicta ecclesia faciendo, et ut simus participes bonorum omnium quæ fiunt et fient amodo in ecclesia memorata, excepto, de prædicta quinta parte, meo nemore de Chesneio quod dedi Hospitalariis de Corbolio in elemosinam, et legavi pro anniversario meo et uxoris meæ, filii mei et filiæ meæ prædictorum, singulis annis, similiter faciendo. Ita tamen quod super illam quintam partem prædictorum abbatis et conventus presbiter de Ulneio habeat et percipiat tria sextaria bladi, annuatim reddenda in molendino de Ulneio, pro anniversario meo, Hersendis, uxoris meæ, et Johannis, filii mei, et Aalidis, filiæ meæ, annis singulis, in ecclesia de Ulneio faciendo. Si vero contigerit, processu temporis, quod dicti religiosi dictam quintam partem hæreditatis prædictæ venderent vel extra manum suam ponere coacti essent, quicumque dictam quintam partem hæreditatis prædictæ de Ulneio emeret vel haberet, volo, præcipio, ordino et dispono, quod obligatus existat ad reddendum dicto presbitero prædicta tria sextaria bladi ; et prædicti religiosi quicti remaneant a præstatione dictorum trium sextariorum bladi penitus et immunes. Si etiam contingeret quod ego facerem laudari a dominis feodalibus prædicta tria sextaria bladi, nichilominus memorati religiosi quicti essent penitus a præstatione memorata dictorum trium sextariorum bladi. Volui etiam, ordinavi et concessi quod hæc donatio quintæ partis hæreditatis meæ de Ulneio, quam feci dictis religiosis, irrevocabilis esset et haberet robur perpetuæ firmitatis. In cujus rei testimonium et munimen, præsentes litteras dedi dictis religiosis sigilli mei munimine communitas. Actum .