École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1251-1260 » Dec. 1257

" Littere Johannis, filii comitis Suessionensis, et Margarite, uxoris ejus, de CCCtis arpentis terre que dedit nobis Johannes, comes Montisfortis. "

  • A Original en parchemin. — Inv., p. 99, l. 1, nº 4.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus presentes litteras inspecturis, Johannes, filius comitis Suessionensis, et Margarita, filia comitis Almarici de Monteforti, uxor ejusdem Johannis, salutem in Domino : Notum facimus quod bone memorie Johannes, quondam comes Montisfortis, karissimus in Christo frater noster, de assensu et voluntate Johanne, uxoris sue, nunc defuncte, dedit, concessit et liberavit, im perpetuam et puram elemosinam, religiosis viris abbati et conventui Vallium Sarnaii et monasterio eorumdem trecenta arpenta terre in uno tenenti, contigua ex una parte terris dictorum monachorum, scilicet terris granchie Sancti Benedicti, ex alia parte terris Veteris-Ecclesie, ex alia parte chemino Carnotensi, ab eisdem abbate et conventu et eorum monasterio perpetuo tenenda in manu mortua et possidenda, libere et quiete et pacifice, absque aliquo onere censuali, coustuma, servicio et redibicione quacumque. Et promisit eisdem abbati et conventui idem Johannes comes predictus quod contra donationem predictam non veniret in futurum, set dictas terras liberas et quietas, secundum quod dictum est, garantizaret et liberaret in manu mortua contra omnes eisdem abbati et conventui ac monasterio eorumdem, prout in litteris ipsius comitis super hoc confectis plenius continetur1. Nos autem Johannes et Margarita predicti predictam donacionem ab ipso comite de dictis trecentis arpentis terre, eo modo quo dictum est, eisdem religiosis factam concedimus, volumus, laudamus, etc. 1 In cujus rei testimonium et munimen, presentes litteras sepedictis religiosis dedimus et liberavimus sigillorum nostrorum impressione munitas. .


1 Voir nos CCCCLVI et CCCCLVII, et la charte précédente.

1 (ut in prœcedenti charta)...........................