A tous ceulx qui ces présentes lettres verront, Guillaume Postel, garde du scel de la prévosté de Vernon, salut : Sachent tous que l'an de grace mil trois cens cinquante neuf, le XXI^e jour du mois de juillet, Jehan d'Andely, tabellion juré pour la ville et chastellerie de Vernon, vit, lut et traicta unes lettres du roy Philippe, en las de saye et en cire vert, saines et entières, sans casseure ou briseure, contenant la forme qui ensuit :

Philippus, Dei gratia, Francorum rex, notum facimus universis, tam presentibus quam futuris, quod nos dilectorum nostrorum abbatis et conventus monasterii de Vallibus Sernaii, Cisterciensis ordinis, supplicationibus annuentes, eisdem ac ecclesie seu monasterio suo duximus concedendum, quod ipsi conquesta ab eis, sue ecclesie nomine, facta a tempore retroacto usque ad tempus concessionis hujusmodi, in feodis, retrofeodis et allodiis nostris aut subditorum nostrorum, in quantum ad nos spectat, tenere possint perpetuo, absque coactione vendendi vel extra manum suam ponendi vel prestandi nobis financiam pro eisdem. Item quod bona eorum mobilia non capientur vel justiciabuntur in aliquo casu per justiciam secularem. Item quod in casu ubi licite bona ipsorum immobilia capi contingeret, ea consumi vel destrui non liceat aut expendi ; quod si fiat id ante omnia faciemus emendari et eos indemnes servari ; et quod si ad ipsorum bonorum saisinam vel custodiam servientes deputari oporteat, unus tantummodo serviens in abbatia et in qualibet domo ipsorum deputetur, qui de stipendiis suis vivere teneatur, prout in nostris continetur statutis. Item quod recognitiones et advocationes nove que ab ipsorum religiosorum subditis nobis fiunt nullatenus admittantur et factas de novo faciemus penitus revocari. Item quod ballivi et alii officiales nostri teneantur jurare quod mandata sibi facta et facienda per litteras nostras, pro terra illa et personis ejusdem, absque difficultate fideliter exequuntur. Item quod non impedientur aut inquietabuntur, super possessionibus seu redditibus emptis per ipsos in feodis, retrofeodis aut censivis suis, omnimodam altam et bassam habent justiciam, quin possessiones et redditus taliter acquisitos perpetuo tenere valeant, absque coactione vendendi vel extra manum suam ponendi aut prestandi nobis financiam pro eisdem. Item quod tollantur gravamina eis per gentes nostras illata, ac jam nostra concessa statuta serventur et ea ballivi nostri jurare teneantur se firmiter servaturos. Item quod ad opus garnisionum nostrarum bona eorum vel subditorum suorum eis invitis nullatenus capientur. Item quod pro gravaminibus sibi illatis corrigendis, de quibus liquebit, auditores non suspectos eisdem, cum requisiti fuerimus, concedemus, qui vice nostra celeris explementum justicie super hoc fideliter exhibebunt. Item quod non puniantur pro delictis monachorum seu conversorum aut familiarum suorum, nisi quatenus sunt propter hoc puniendi de jure vel de consuetudine patrie cui subsunt. Item quod non impedientur personas sue abbatie et eorum mobilia cum armis moderate vel sine armis, ac delinquentes in sua abbatia seu locis ipsius capere quatenus facere consueverunt. Quod ut firmum et stabile permaneat, salvo in aliis jure nostro et in omnibus alieno, presentibus litteris nostrum fecimus apponi sigillum. Actum Parisius anno Domini millesimo trecentesimo quarto, mense junio.

En tesmoing de ce, nous avons seellé ces présentes lettres du seel de la prévosté de Vernon, l'an et le jour dessus dits. 1 « d'Andely.