École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Jun. 1206. — Vid. de 1238

Litteræ Odonis, Parisiensis episcopi, de decima terræ Demenchuel et de decima de Cortebue.

  • B Vidimus en parchemin — Inv., p. 28, l. V.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

« Universis presentes litteras inspecturis, Guillelmus, permissione divina, Parisiensis ecclesie minister indignus, salutem in Domino : Universitati vestre notum facimus nos litteras, sigillo bone memorie Odonis predecessoris nostri sigillatas, inspexisse, sub hac forma: 

Odo, Dei gratia, Parisiensis episcopus, omnibus presentes litteras inspecturis, in Domino salutem : Notum facimus quod, cum Stephanus de Brocia, miles, dedisset in perpetuam elemosinam monachis Vallium Sarnaii medietatem decime, quam habebat in terra que appellatur de Demenchuel, tandem constitutus in presencia nostra, Odo, filius ejus, eamdem elemosinam ratam habuit et concessit, et, fide interposita, se servaturum promisit. Preterea, constitutus in presentia nostra, Johannes de Briis dedit eisdem monachis in perpetuam elemosinam, pro anima patris sui et matris sue et sua, unum modium bladi1 in decima sua de Cortebue, percipiendum in granchia sua, quam habet ibidem, scilicet medietatem hybernagii et medietatem martiagii. Preterea idem Johannes ratam habuit et concessit elemosinam, quam pater suus Odo fecerat eisdem monachis, scilicet qui dederat eis in elemosinam duos hospites apud Montem Lethericum et duos arpennos prati quos habebat en Lachaite. Hanc autem elemosinam idem Johannes, fide data, se servaturum promisit et garenziam laturum. In cujus rei testimonium, presentem cartam sigilli nostri fecimus impressione muniri. Actum .

. Postmodum vero viri religiosi abbas et conventus Vallium Sarnaii quitaverunt, coram nobis, capellanie de Monte Falconis, ad opus capellani qui pro tempore inibi fuerit, predictum modium bladi, quod debet percipi in decima dicti Johannis de Corterbue, quitantes et absolventes dictum Johannem et heredes suos super solutione dicti modii bladi eisdem de cetero facienda, dummodo illum reddant cappellano cappellanie antedicte. In cujus rei testimonium, presentes litteras sigillo nostro fecimus sigillari. .


1 Au mois de mai de l'an 1238, l'abbaye des Vaux de Cernay céda ce muid de blé à la chapelle de Montfaucon, comme on le voit par la notice du vidimus que nous imprimons à la suite de cette charte.