École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1271-1280 » Feb. 1274, n. s.

" Littera Roberti, comitis Drocarum et Montisfortis, de terra de Poliempont, et quomodo habemus jus forefacti in nemoribus de Poliempont, de Planeto et de Follosio, et possumus sequi forefactum per totam terram domini comitis et eciam venari. "

  • A Original en parchemin. — Inv., p. 28, l. X.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Robertus, comes Drocarum et Montisfortis, et Beatrix, ejus uxor, salutem in Domino : Noverint universi quod inter nos et ecclesiam et monachos de Sarnaio extitit controversia super eo quod dicebamus ad nos spectare dominium et omnem justiciam, altam et bassam, in burgo, hospitibus, terris et nemoribus de Poliempont, sitis in parrochia de Condeio, continentibus in terra et nemore circiter ducenta et LXX arpenta, contigua, ex una parte, cuidam rivulo decurrenti infra rivulum de Condeio, et ex alia parte, contigua dicto rivulo de Condeio, et ex alia, chemino tendenti de Condeio ad viam Montisfortis et a predicta via Montisfortis, prout methe ostendunt, usque ad prefatum rivulum decurrentem infra dictum rivulum de Condeio : que omnia spectant, sunt et pertinent predicte ecclesie. Tandem vero, de bonorum virorum consilio, sepedictam ecclesiam et monachos de Sarnaio quittavi quittosque clamavimus et clamamus ; et super his bonam pacem ecclesie et monachis observaturos fide bona promittimus. Et cum hoc etiam eidem ecclesie dedimus et monachis ibidem Deo servientibus, ut possint habere et ponere in foresta nostra de Acquilina, libere et quiete, sine forestagio vel alia aliqua redibentia, sexaginta boves, quolibet , in omnibus locis dicte Acquiline, ubi nullus potest habere nec ponere animalia sine forestagio. Et eciam confirmamus et concedimus usuarium quadraginta porcorum in deffensis nostris, sicut felicis recordationis karissima Amicia, comitissa Leecestrie, et domina Montisfortis, per litteras suas concessit1. Sciendum autem quod predicta ecclesia et monachi ejusdem loci in deffensu suo quod dicitur le Fay de Planeto, et in dicto nemore de Poliempont et etiam in Follosio suo juxta abbatiam, habent omne jus forefacti et possunt capere forefacta sua infra methas suas et sequi forefactum suum et capere per totam terram nostram. Et quia nullus potest venari in toto nemore de Acquilina neque in circumvicinis nemoribus1, tamen ex speciali gratia volumus et concedimus quod prefati monachi vel aliqui pro ipsis, in predictis nemoribus et in omnibus aliis terris sic a nobis vel a predecessoribus nostris eisdem monachis datis et collatis, possint venari ad omnes bestias et facere magnas hayas et sequi venacionem et canes suos per totam terram nostram, ita quod venator, canes et eorum servitores non possint arrestari, cogi nec compelli aliquo modo coram gruerio Aquiline neque coram alio judice nobis subdito, ratione omnium premissorum. Volentes et concedentes quod prefati monachi omnia supradicta, prout superius sunt expressa, et eciam omnia alia quecumque acquisierunt in omni terra nostra seu in feodis et retrofeodis nostris, ubicumque existant, tam in domibus, terris, pratis, nemoribus seu quibuscumque aliis rebus, usque ad presens tempus teneant in manu mortua im perpetuum, cum omni jure, dominio et justicia, alta et bassa, que in omnibus premissis habebamus vel habere poteramus, quocumque modo seu quacumque ratione. Et hec omnia predicta dedimus et concessimus, pro salute animarum nostrarum et antecessorum nostrorum. Et quantum ad premissa firmiter observanda nos et heredes nostros obligamus et relinquimus in posterum obligatos. In cujus rei testimonium et munimen, sepedicte ecclesie et prefatis monachis presentes litteras dedimus sigillorum nostrorum munimine roboratas. .


1 Voir l'acte de cette concession faite par Amicie de Beaumont en 1213, nº CLXXXII, p. 190, et les chartes de confirmation données par Amaury VI en octobre 1222 et en mai 1226, nos CCXXXI et CCLXVIII, p. 225 et 254.
1 En janvier 1230, Amaury VI avait donné à l'abbaye des Vaux de Cernay la permission de chasser le lapin et le lièvre dans les bois de Planet, pour l'usage des malades (nº CCCVII, p. 285) ; dans une autre charte de juillet 1238, il s'était réservé expressément toute la chasse de la forêt Yveline et des bois environnants (nº CCCLXXXV, p. 351) : mais au mois de mars 1248, Jean, comte de Montfort, avait fait à l'abbaye une donation du droit de chasse dans les mêmes termes que ceux employés dans cette pièce nº CCCCLVIII, p. 419). L. M.