École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1291-1300 » 20 aug. 1296

De donatione duarum peciarum terræ in parrochia de Tilli.

  • A Original en parchemin. — Inv., p. 79, l. 8, nº 23.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

A touz ceus qui ces lettres verront et ouront, Nicholas Gascoing, clerc, garde du seel de la prévousté de Vernon, saluz : Sachez que par devant nous fut présent Guichart Rabot, de Tilli, et recognut que il quitoit et délesoit plesibleement, par retrete de borse, à hommes religios, l'abbé et le couvent de Nostre-Dame de Vaus de Sarnay, deus pièces de terre, asises en la parroisse de Tilli ; la primère pièce, entre la terre Gauter de Chatieunoef, d'une part, et la terre dudit Guichart, de l'autre ; laquele pièce de terre il avoit achitée de Dinise Guion L sous parisis suens quites1 ; l'autre pièce de terre est asise entre la terre Godefray Godet, d'une part, et la terre Perrot Piquot, de l'autre ; laquele il avoit acheté de Jehan Ohier2 : et promict et jura par devant nous que james és deus pièces de terre desusdites ren ne réclamera ne encontre ceste quitance ne vendra, ne par soi ne par autre, ne ne fera venir. Et ce certifion nos et témoignon par ces letres seelées du seel de la prévosté de Vernon. Ce fut fet .


1 Voir nº DCCCCXLVI, p. 917.
2 Voir nº DCCCCXL, p. 913.