École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Jan. 1232, n. s. — Vid. mart. 1249

De quitatione duarum peciarum vinearum in valle de Merroliis et ad Portam Galant.

  • B Vidimus en parchemin1. — Inv., p. 135, l. 1, nº 22.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus presentes litteras inspecturis, officialis curie Parisiensis, salutem in Domino : Notum facimus quod cum contencio verteretur inter abbatem et conventum de Valle Sarnaii, ex una parte, et Matheum carnificem, et Raginardum Cordele, Hugonem et Hermum, et Hermelinam fratres, ex altera, super duabus peciis vinearum, quarum una sita est, ut dicitur, in valle de Merroliis et alia ad Portam Galant, tandem, in nostra presentia constituti, Matheus, Raginardus, Hermus et Hermelina supradicti quicquid juris habebant in dictis duabus peciis vinearum supradictis abbati et conventui quitaverunt, fide prestita promittentes quod in illis vineis per se vel per alios nichil de cetero reclamabunt, sub prestite fidei religione promittentes quod quando Radulphus, frater dictorum Raginardi, Hugonis, Hermi et Hermeline, qui agebat, ut dicebatur, in partibus remotis, ad partes veniet gallicanas dictis abbati et conventui quitabit jus, si quod habet in vineis prenotatis, fide prestita corporali. Et de hoc faciendo dicti Hugo, Hermus et Hermelina quandam peciam terre sitam, ut dicitur, apud Merroles, in censiva domine de Castroforti eisdem abbati et conventui in contraplegium assignarunt. Ad hoc predicti Matheus, Raginardus, Hugo, Hermus et Hermelina recognoverunt se recepisse a dictis abbate et conventu quinquaginta solidos parisienses pro dicta quittatione facienda. Actum .


1 Voir nº LXXXV, p. 103.