" Officialis Parisiensis, de mortificatione dimidii modii ordei percipiendi apud Fontanetum in Corboliensi. "
- A Original en parchemin scellé. — Inv., p. 7, l. C, nº 1.
- a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
Omnibus presentes litteras inspecturis, officialis curie Parisiensis, salutem in Domino : Noveritis quod dominus Petrus de Castris, dictus de Mota, miles, asseruit et recognovit coram nobis quod defunctus Bouchinus1, primogenitus defuncti Bouchardi, quondam domini de Malliaco, militis, legaverat religiosis viris, abbati et conventui Vallium Sarnay, ob remedium anime ipsius defuncti Bouchini, in puram et perpetuam elemosinam, dimidium modium ordei quem dicti religiosi percipere debent in granchia de Fontaneto, in Corboliensi, super granagio hereditatis domine Agnetis, quondam matris dicti Bouchini, aducto in dicta granchia ; que hereditas predicta movet de feodo dicti domini Petri, ut dicebat : volens et concedens idem Petrus, tamquam dominus capilalis dicti feodi, ut dicebat, quod dicti religiosi teneant et possideant, in manu mortua, ex nunc im perpetuum, dictum dimidium modium ordei, sine contradictione aliqua, pacifice et quiete, sine cohactione aliqua vendendi seu extra manum suam ponendi ; quittans eciam dictis religiosis omne jus et dominium, quod habebat vel habere poterat in predictis, ratione dicti feodi et per fidem, pro quadraginta solidis parisiensibus ; renuncians, etc............................... In cujus rei testimonium, presentes litteras sigillo curie Parisiensis fecimus sigillari. .
1 « Guillelmus de Castris.
