École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » Jun. 1278

"Mortificatio prati quod vendidit dominus Guillelmus Forqueus et uxor ejus. "

  • A Original en parchemin scellé1. — Inv., p. 147, l. 2, nº 14 bis.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

A toz cels qui verront et orront ces présentes lestres, Gui de Chevreuse, chevalier, chastelain de Nealphe, saluz en Nostre Seigneur : Je faz asavoir à toz que je voel et octroae que li abbes des Vals de Sarnei et li covenz di ce leu tiegnent et possoient en morte main une pièce de pré, tenent du lonc au pré aus Blans Moenes, et d'autre part au pré qui fu Thomas de Droes, escuier ; lequel pré misires Guillaume de Forqueus, chevalier, vendi et quita ausdiz religieus des Vals3 et s'en tint bien por paié, si comme il le recognut pardevant moi ; et voel que cil religieus tiegnent et posseient ledit pré, si comme il est dit par desurs, excepté tote jotice demorant à moi et à mes hers. Et que ce soit ferme et estable, je done ausdiz religieus ces lestres saelées de mon propre sael. Ce fu fait en l'an de grace mil deu cenz seixente dis huit, ou meis de juign.


3 Voir nº DCCXCIX, p. 755.
1 Sceau en cire brune, sur double queue de parchemin. — Ce sceau est celui que nous avons attribué à tort, note 2, p. 453, à Gui de Chevreuse, père du seigneur dont il s'agit ici. Il n'en diffère du reste que par la légende qui est fort endommagée, ce qui est la cause de notre confusion : † S. dni Gvi.........ni de ..alpha. — Voir le sceau du père, pl. VI, nº 3. A. M.