École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Mai. 1238

" C. Guillelmi, episcopi Parisiensis, de amodiatione dimidii modii bladi quem nobis debet capellanus Montis-Falconis pro amodiatione quarumdam terrarum apud Gomeit. "

  • A Original en parchemin. — Inv., p. 28, l. V.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Guillelmus, Dei gratia, Parisiensis ecclesie minister indignus, salutem in Domino : Notum facimus quod cum viri religiosi abbas et conventus Vallium Sarneii assignassent capellanum capellanie de Monte-Falconis ad decem et novem sextarios bladi, apud Gometum, super viginti et quinque arpennis terre, quos quidam homines ibi tenebant ab ipsis ad modiationem pro viginti et quinque sextariis talis bladi quale in predicta terra cresceret ; et predicti homines dictam terram quitassent pro sue libito voluntatis, Guillelmus, capellanus dicte capellanie, dictam terram gratanter recepit ad admodiationem predictam, ita quod dimidium modium talis bladi quale in terra ipsa creverit, solvet de cetero annuatim abbatie Vallium Sarneii, et pro residuo valoris terre quittavit abbatiam predictam de decem et novem sextariis bladi ad quos abbas et conventus predicti ipsum assignaverunt ibidem1 ; et de hiis tenendis dictus Guillelmus fidem in manu nostra prestitit corporalem et successores sui inibi ad idem tenebuntur. .


1 Voir la transaction de mars 1237, nº CCCLXXIII, p. 341, et la notice jointe à l'acte de donation de juin 1206, nº CXXXIII, p. 151.