École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1251-1260 » Mai. 1257

" C. cujusdam domus site apud Atyes et de dimidio arpento vinee site apud Montes, in territorio quod vocatur Vicus-Droillart. "

  • A Original en parchemin. — Inv., p. 65, l. 7, nº 20.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, officialis Petri ecclesie Parisiensis archidiaconi, salutem in Domino : Notum facimus quod Petrus, dictus Boudin, et Andreas, ejus filius, asseruerunt coram nobis quod ipsi habebant, tenebant et possidebant medietatem cujusdam domus site apud Athies, contigue domui defuncti Mathei carnificis, ex una parte, et domui defuncti Stephani de Pareto, ex altera, in censiva Petri de Campannia, clerici, oneratam in decem solidis parisiensibus censualibus, ut dicebant ; item dimidium arpentum vinee situm apud Montes, in territorio quod vocatur Vicus-Dorillart, in censiva domini Philipi de Montibus, militis, ad quatuor solidos parisienses censuales, ut dicebant. Quam medietatem domus antedicte et quod dimidium arpentum vinee recognoverunt se dedisse, concessisse et in perpetuam elemosinam quittasse, ob remedium animarum suarum, religiosis viris abbati et conventui beate Marie Vallium Sarnay, donacione facta inter vivos, retento tamen eisdem in dicta medietate dicte domus et in dicto dimidio arpento vinee, quamdiu vixerint, usufructu ; promittentes, etc..... .

1 « Bertaudus de Meldis.


1 Signé :