École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Jun. 1222

Robertus, clericus de Bocigne, quidquid habebat in decima dicti loci pro viginti libris parisiensibus obligat.

  • A Original en parchemin. — Inv., p. 89, l. 1, nº 9.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

G[alterius], Dei permissione, Carnotensis ecclesie minister humilis, universis presentes litteras inspecturis, salutem in Domino : Notum sit omnibus quod Robertus, clericus de Bocigne, in nostra presencia constitutus, de assensu et voluntate Odeline matris sue et Raginaldi primogeniti fratris sui, obligavit monachis Vallium Sarnaii, pro viginti libris parisiensibus, quicquid habebat in decima de Bocigne que ei jure hereditario contigebat2. Hanc autem obligationem, tam ipse quam mater et frater ejus, tenere et garandire, fide corporali prestita, promiserunt. Huic autem obligationi et omnibus aliis quas habent dicti monachi in parrochia Orfini assensum prebuit persona parrochialis. Quod ut ratum et firmum permaneat, ad utriusque partis petitionem, presentes litteras sigilli nostri munimine fecimus roborari. Actum .


2 Voyez les actes de ratification par Mathilde et Bouchard de Marly, nos CCXXXVI et CCXXXVI bis.