École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1281-1290 » 1 jul. 1280

" A domino Petro de Cauda-d'Ez, milite, de venditione omnium que idem Petrus habebat ibidem. "

  • A Original en parchemin. — Inv., p. 76, c. 6, nº 5.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis tam presentibus quara futuris, presentes litteras inspecturis, Petrus de Portu, tunc temporis prepositus de Vernone, salutem in Domino : Noverit universitas vestra quod dominus Petrus de Cauda-d'Ez, miles, filius Guichardi de Cauda-d'Ez, militis, defuncti, vendidit, concessit et hac presenti carta confirmavit, et se vendidisse, concessisse et hac presenti carta confirmasse recognovit Johanni de Pormor, dicto Chevalier, quicquid habebat, tempore confectionis presencium litterarum, apud Caudam-d'Ez, tam in domibus, masuris, curtillagiis quam in terris arabilibus, pascuis et pasturis, silvis seu nemoribus, redditibus et censibus, necnon et in serviciis hominum, campartibus et in quibuscumque aliis rebus, quocumque nomine censeantur, et in quibuscumque locis sitis vel existentibus, pro centum libris parisiensibus, etc...........

Quarum rerum superius expressarum situs et loca, ad majorem certitudinem habendam, sunt in locis subscriptis designata et contenta, videlicet tota masura sua, cum nemore et clausura, sita in territorio de Cauda-d'Ez, juxta chiminum de Heubecort, ex una parte, et nemus Gaceii et Thome, ex altera ; item una pecia terre arabilis, sita in territorio quod dicitur Parvus-Campus, juxta terras canonicorum de Salicosa, ex una parte, et chiminum de Bosco-Girelmi, ex altera, pro qua pecia debentur annuatim tres denarii parisienses domino de Bosco-Girelmi ; item una pecia in eodem campo, juxta dictum cheminum, ex una parte, et terras Thome de Cauda-d'Ez, ex altera ; item una alia pecia, juxta terram Ysabellis la Charronnesse et terram Guillermi Renoudi, ex una parte, et terram que fuit Thome Castellani, ex altera ; item una pecia in territorio quod dicitur la Croiz du Luat, juxta chiminum de Gaenneio et de Andeliaco, ex una parte, et terram canonicorum de Salicosa, ex altera ; item una pecia in territorio quod dicitur la Mare Benooiton, juxta terram Thome, ex una parte, et maram, ex altera ; item una pecia in territorio quod dicitur le Murgier Malemouche, juxta terras que fuerunt domini Johannis de Heubecort, militis, ex una parte, et terras canonicorum de Salicosa, ex altera ; item una pecia in territorio quod dicitur Campus du Noier, juxta terram Gaceii, ex una parte, et terram canonicorum de Salicosa, ex altera ; item una pecia, juxta le Frou de la Vile, ex una parte, et terras Guillelmi Renoudi, ex altera ; item quatuor alie pecie in feodo Elye de Flouri, quarum prima pecia sita est juxta nemus, ex una parte, et terram Robini Loidart, ex altera ; secunda pecia, juxta terram Richeudis la Loidarde, ex una parte, et terram Agnetis de Corvile, ex altera ; tercia pecia, inter terras dictarum Richeudis et Agnetis, ex utraque parte ; quarta pecia, juxta chiminum de Andeliaco, ex una parte, et terram que fuit Johannis Benooit, ex altera, etc.......

In cujus rei testimonium, sigillum prepositure Vernonensis, ad peticionem prefati Petri, militis, una cum sigillo suo, presenti carte dignum duximus apponendum. Actum apostoli.