École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Seconde moitié XIIe siècle » sans date

De rebus abbatiæ Vallium Sarnaii apud Vernonem.

  • A Original en parchemin. — Inv., p. 74, l. 4.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Ego, Ricardus, dominus de Vernone, notum facio universis quod, pro Dei amore et antecessorum meorum et mea salute, monachis [Vallium Sarnaii, in puram] elemosinam, dedi domum meam, prout se comportat in longitudine et latitudine, sitam intra muros Vernonis, contiguam [ex una parte vico porte] Medunte, et ex alia vico qui dicitur au Harenc, et ex alia vico de Gloriette, liberam ab omni censu et exactione terrena ; [et etiam dedi eisdem] monachis et hominibus eorum subditis usuarium suum in omnibus nemoribus meis, sicut canonici Nostre Domine de Vernone habent, videlicet [lignum] mortuum ad comburendum et carbones faciendum, et vivum ad edificia ; panagium quoque porcorum suorum, pastionem atque pecorum suorum. [Preterea eisdem] monachis et eorum hominibus subditis dedi plenariam libertatem, in omni terra mea, portandi et transeundi, per terram et aquam, omnia bona sua cum quadrigis, equitibus et omnibus suis aliis rebus, sine transverso et pedagio ; et etiam vendendi res suas et emendi alienas in foris et nundinibus meis, in omni terra mea ; nec propter hoc tenebuntur michi solvere nec heredibus meis stallagium, minagium, coustumam, nec aliam quamcumque redibicionem. Huic autem operi Hugo, decanus de Vernone ; Guiardus, Vernonensis canonicus ; Guillelmus de Goy ; Matheus de Crevecor, dappifer ; Johannes de Sancto Carauno ; Ivo de Crevecor ; Rogerius de Porta ; Ricardus de Florio ; Hugo de Fresne ; magister Willelmus de Porta ; Robertus, frater suus ; Radulfus de Oriol et Girelmus, filius Anserii, testes affuerunt. Actum Vernone, in domo Yvonis de Crevecor1.


1 Cette charte a été évidemment fabriquée au quinzième siècle, et l'on y a intercalé les tenants et aboutissants de la maison, qui se trouvent être exactement les mêmes que ceux mentionnés dans la déclaration de 1511. (Voir le Dict. géogr. au mot Vernon). Cette pièce a certainement été faite à l'aide de l'original, perdu ou supprimé depuis, dont nous avons donné précédemment le texte d'après la Déclaration.