École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Mart. 1250, n. s

" Charta officialis curie Carnotensis, de quadam pecia vinee et quinque solidis annui redditus quos nobis vendiderunt Filie-Dei Carnoti apud Joiacum. "

  • A Original en parchemin. — Inv., p. 18, l. 1, nº 2.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus presentes litteras inspecturis, officialis curie Carnotensis, salutem in Domino : Noverint universi quod priorissa et conventus Filiarum-Dei Carnotensis, Vincentio, presbitero Sancti Prisci, eis a reverendo patre M[atheo], Dei gratia, episcopo Carnotensi, magistro deputato1, auctoritatem et assensum coram nobis prestante, vendiderunt et nomine venditionis concesserunt religiosis viris abbati et conventui Vallium Sarneii, ad usus et consuetudines carnotenses, pro septem libris carnotensibus, quamdam peciam vinee, et pro sexaginta solidis carnotensibus quinque solidos annui census ; quam peciam vinee dicte Filie-Dei habebant, ut dicebant, moventem ex acquiramento earum, sitam, ut dicitur apud Joiacum, in territorio de Saliceio, in censiva Petri de Sancto Hilarione, militis, et quem censum dicte Filie-Dei habebant et percipiebant, et consueverant percipere, ut dicebant, apud Joiacum, singulis annis, , super feodo Gilonis, dicti Fortis-Agosinarii1, presbiteri, et eisdem Filiabus fuerat elemosinatus idem census, ut dicebant, a Johanne de Escronis, milite. Quas res venditas dicte Filie-Dei, de auctoritate et assensu dicti Vincentii, cum omni jure, dominio, proprietate et possessione que in eis habebant et habere poterant, quitaverunt dictis abbati et conventui eorumque successoribus in futurum, predicta jus, dominium, proprietatem et possessionem in eosdem abbatem et conventum ex nunc penitus transferendo. Quas pecunie summas dicte Filie-Dei confesse fuerunt coram nobis sibi solutas fuisse a dictis abbate et conventu in pecunia numerata, et de eis se tenuerunt pro pagatis ; confesse etiam fuerunt dictas pecunie summas conversas esse in usum et utilitatem domus earum. Et promiserunt, etc..................

In cujus rei testimonium et munimen, sigillavimus presentes litteras sigillo curie Carnotensis. .


1 Ce Vincent, curé de Saint-Prest, fut un des principaux bienfaiteurs du prieuré des Filles-Dieu. Nous trouvons aux archives d'Eure-et-Loir plusieurs donations de ce prêtre, de 1250 à 1260. Voici le texte de l'amortissement d'une de ces donations, fait en 1257 par Jean de Bruyères, seigneur de Lèves : cette pièce est importante parce qu'elle constate l'alliance entre les familles de Bruyères et de Lèves, alliance que nous avons déjà signalée (voy. note 1, p. 250) : « Universis presentes litteras inspecturis, Joannes de Brueriis, miles, dominus Leugarum, salutem in Domino : Noveritis quod ego, assensu et voluntate Eustachie, uxoris mee, admortifico, quantum in me est, Filiabus-Dei Carnotensibus quoddam virgultum, circa unum quarterium continens, ut dicitur, quod Vincentius, rector ecclesie Sancti Prisci, acquisierat et tenebat a me, et postmodum contulit in elemosinam, ut dicitur, eisdem Filiabus-Dei, contiguum cancello ecclesie dictarum Filiarum-Dei, prout dictum virgultum a dicto cancello in latitudinem usque ad cameras ultra dictum cancellum sitas et a chimino sito ante dictam ecclesiam usque ad pratum situm subtus dictum virgultum in longitudinem extenditur, in censiva mea, pro quo solvebantur sex solidi tres denarii et obolus censuales annuatim. Et volo ac concedo quod dicte Filie-Dei dictum virgultum teneant, habeant et possideant ex nunc in futurum, in manu mortua, quantum ad me pertinet, solvendo michi et heredibus meis dictum censum dupplicatum pro dicto virgulto, quolibet anno, in octabis beati Dyonisii. Et promitto quod dictum virgultum, quantum ad me pertinet, admortificatum ad dictum dupplicem censum, dictis Filiabus-Dei garantizabo et defendam. In cujus rei testimonium et munimen, ego do predictis Filiabus-Dei Carnotensibus presentes litteras, de voluntate et assensu dicte Eustachie, uxoris mee, sigillo meo sigillatas. Datum anno Domini millesimo ducentesimo quinquagesimo septimo, mense septembri. » (Arch. d'Eure-et-Loir. — Fonds des Filles-Dieu, c. 1010.)
1 Nous avons déjà souvent rencontré Gilles Fort-Anier, soit comme prêtre de Saint-André de Chartres, nos CCCIV et CCCXXXVI, soit comme prêtre de Briis, nos CCCLXXXVI, CCCCLII, CCCCLXX, CCCCLXXXIV, CCCCLXXXVII et CCCCXC.