École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Première moitié XIIIe siècle » Aug. 1242

" De domo Auburgis de Porta sita apud Sparnonem prope portam de Capella. "

  • A Original en parchemin. — Inv., p. 137, l. 3, nº 7.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Amauricus, decanus Sparnonensis, salutem in Domino : Noveritis quod Auburgis de Porta, vidua, recognovit se vendidisse religiosis viris abbati et conventui de Vallibus Sarnaii, pro somma pecunie, quicquid ipsa Auburgis habebat in quadam domo sita apud Sparnonem, prope portam de Capella, moventem de censiva dictorum abbatis et conventus. Et de omni jure quod dicta Auburgis habebat in domo jamdicta, in manu nostra se desisivit spontanea voluntate. Fidem insuper dedit corporalem in nostra manu dicta Auburgis quod in dicta domo, per se vel per alium, nichil de cetero reclamaret, nec dictos emptores nec alium qui domum predictam ab eis possidebat super domo supradicta im posterum molestaret nec per alterum faceret molestari. In cujus rei testimonium, ad peticionem et assensum prenominate Auburgis, eisdem emptoribus dedimus presentes litteras sigillo nostro sigillatas. Actum .