École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1251-1260 » Jan. 1258, n. s.

" Littere de excambio inter nos et Symonem de Logiis. "

  • A Original en parchemin. — Inv., p. 136, l. 2, nº 10 bis.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus presentes litteras inspecturis, P[etrus], Parisiensis ecclesie archidiaconus, salutem in Domino : Notum facimus quod dominus Guillelmus de Vertville et dominus Guillelmus de Bretonneria, milites, asseruerunt coram nobis quod defunctus Symon de Logiis, miles, et Agnes, ejus uxor, quondam dederant et concesserant religiosis viris abbati et conventui Vallium Sarnaii unum modium frumenti annui redditus, in granchia dictorum defuncti Symonis et Agnetis percipiendum. Item asseruerunt coram nobis quod dicti abbas et conventus quittaverant dicte Agneti et ejus heredibus dictum modium frumenti, pro tribus arpentis prati vel circiter1, ut dicitur, in uno tenenti, sita inter Vadum-Serratum et Buxeriam, que quondam fuerunt Talpini de Forgiis, contigua ex una parte terre Philippi majoris de Vado-Serrato, et ex altera parte terre liberorum defuncti Guidonis de Vado-Serrato, in censiva domini Guillelmi de Vertvilla, ut dicitur, militis. Que tria arpenta prati dictus dominus Guillelmus de Vertvilla tenet in feodum a dicto domino Guillelmo de Bretonneria : que etiam tria arpenta prati dicta domina Agnes dedit, permutationis nomine, dictis abbati et conventui pro dicto modio frumenti, ut dicebant. Et voluerunt et concesserunt dicti milites dictam permutationem. Voluerunt etiam et concesserunt spontanee quod dicti abbas et conventus, in manu mortua, in perpetuum, sine coactione vendendi vel extra manum suam ponendi, libere et quiete, sine aliqua redibencia seu coustuma vel servicio seu alio onere, teneant et possideant, exceptis viginti sex denariis annui census dicto domino Guillelmo de Vervilla annuatim reddendis, nichil juris seu dominii in dictis pratis preter dictum censum retinentes, set totum in dictos religiosos transferentes, salvo censu predicto. Et promiserunt dicti milites, etc...... .


1 Voir nº DLXXV, p. 535.