École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1251-1260 » Apr. 1252

De contentione cum Johanne de Sarnaio, super pastione porcorum in nemoribus inter Auffargis et Sarnaium.

  • B Copie. — Déclaration de 1511, fº 144 rº.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis præsentes litteras inspecturis, officialis curiæ Parisiensis, salutem in Domino : Notum facimus quod cum contentio verteretur coram nobis, auctoritate ordinaria, inter viros religiosos abbatem et conventum Vallium Sarnaii, ex una parte, et dominum Johannem de Sarnaio, militem, ex altera, super co quod dicti monachi proponebant coram nobis contra dictum militem quod dictus miles contra justitiam porcos suos immittebat seu immitt[re] faciebat ad pascendum in quædam nemora sita juxta dictam abbatiam, inter villam Auffargis et dictam villam de Sarnaio, ad ipsum monasterium jure dominii vel quasi pertinentia ; quare petebant dicti monachi dictum militem super his prohiberi et ei super hoc perpetuum silentium imponi, maxime cum, sicut dicebant, dictus miles nullum jus haberet ibidem in specie vel in genere et quod non habebat aliquod jus utendi seu fruendi eisdem nemoribus nec aliquid aliud faciendi seu percipiendi ibidem : tandem dictus miles recognovit se nullum penitus jus habere vel posse habere in nemoribus antedictis, confitens se non posse vel debere de jure porcos suos ibidem ad pascendum immittere seu immittere facere nec etiam frui seu uti in aliquo eisdem nemoribus, et se etiam non habere jus aliquid percipiendi, faciendi in eisdem ; et si quid juris haberet vel habere posset in præsenti in dictis nemoribus vel in aliquo præmissorum quiete et pacifice quictavit et remisit dictis monachis, et coram nobis illi juri renunciavit et transtulit coram nobis in monachos antedictos. Voluit etiam, concessit et approbavit idem Johannes donationem quam Guillelmus de Villa-Regis et Gila, ejus uxor, fecerunt eisdem abbati et conventui de tota parte quam habebant in majori decima de Sarnaio, quæ movet de feodo ipsius militis, ut dicebat. Volens et concedens quod prædicti abbas et conventus, ut dictum est, collatam teneant et possideant in perpetuum in manu mortua, sine coactione vendendi aut extra manum suam ponendi, pacifice et quiete. Et promisit, etc........... In cujus rei testimonium, præsentes litteras sigillo curiæ Parisiensis fecimus roborari. .