École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1291-1300 » 20 mai. 1294

Carta Johannis de Villa-Regis, de venditione tertiæ partis decimæ totius terræ de Sarnaio.

  • B Copie. — Déclaration de 1511, fº 72 vº.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis præsentes litteras inspecturis, officialis curiæ Parisiensis, salutem in Domino : Notum facimus quod Joannes de Villa-Regis, armiger, et domicella Isabellis, ejus uxor, de parrochia de Sarnaio, asseruerunt quod ipsi, ex propria hæreditate dicti Johannis, habebant et percipiebant, annis singulis, tertiam partem decimæ totius terræ de Sarnaio, quocumque loco dictum territorium se extendat. Quam siquidem tertiam partem decimæ totius territorii prædicti et totum jus dominii, proprietatem, possessionem et omnes actiones reales, personales, utiles, directas, mixtas, tacitas et expressas quod et quas ipsi conjuges habebant et habere poterant, ratione et jure quibuscumque seu causa, in dicta tertia parte decimæ totius territorii prædicti, recognoverunt se vendidisse et nomine puræ et simplicis venditionis ex nunc in perpetuum quittavisse ac concessisse religiosis viris, abbati et conventui Vallium Sarnaii et eorum monasterio, pro quadraginta quatuor libris parisiensibus, etc.......

Et pro dicta garandia ferenda et tenenda, dicti venditores prædictis emptoribus se et hæredes suos ac omnia bona sua hæredumque suorum, mobilia, immobilia, præsentia et futura, ubicumque sint et poterunt inveniri, coram nobis obligarunt et obligatos reliquerunt, ac specialiter et expresse dimidium modium terræ seminaturæ quod dicebant se habere in territorio de Rousset, situm in decimaria prædicta, jurisdictioni curiæ Parisiensis se et sua quantum ad hæc supponentes. In cujus rei testimonium, ad petitionem dictorum venditorum, sigillum curiæ Parisiensis presentibus litteris duximus apponendum. ante Ascensionem Domini.