École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1261-1270 » Mart. 1256, n. s.

Carta Almarrici de Hebergeria et Gaufridi, dicti Bataille, de concessione duarum peciarum terræ et dimidii arpenti, apud Pedem-Lavatum et Vallem-Hubout.

  • A Original en parchemin scellé1. — Inv., p. 145, l. 1, nº 2.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Universis presentes litteras inspecturis, Almarricus de Hebergeria et Gaufridus, dictus Bataille, milites, salutem in Domino : Noveritis quod ego Almarricus, miles predictus, volo, laudo et consencio quod religiosi viri abbas et conventus Vallium Sarnaii teneant et possideant, in perpetuum, pacifice et quiete, in manu mortua, sine coactione vendendi vel extra manum suam ponendi, duas pecias terre et dimidium arpentum ; quas quidem terras et dimidium arpentum dederunt predictis religiosis in elemosinam Eustachius, clericus, quondam filius defuncti Egidii de Nealfa, mater dicti Eustachii, et Michael de Brocia ; quarum una, quam dedit dictus Eustachius, clericus, sita est in territorio quod dicitur Pes-Lavatus1, proxima terre Raginaldi de Aqua, ex una parte, et terre Malet, de Chateron, ex altera ; altera autem pecia, quam dedit mater dicti clerici, sita est in dicto territorio, juxta terram Godefridi de Plesiaco, ex una parte, et limitem de Greignon qui ducit ad Bretachiam : predictum autem dimidium arpentum terre dedit dictis religiosis Michael de Brocia supradictus, situm in territorio quod dicitur Vallis-Hubout, juxta terras des Esbisoers, ex parte una, et terram Michaelis Ballivi, ex altera. Que omnia predicta sita sunt in censiva et dominio Johannis de Arsicio, militis, movencia in secundo loco de feodo meo ; totum jus quod habebam vel habere poteram in omnibus et singulis premissis in dictos religiosos penitus transferendo. Et quantum ad omnia premissa tenenda et firmiter observanda me obligo, et heredes et successores meos relinquo in posterum obligatos. Ego autem predictus Gaufridus, miles, donationem factam de omnibus et singulis superius annotatis, moventibus de feodo meo in tercio loco, volo, laudo et consencio, et quod ipsi religiosi predicta omnia de cetero teneant et possideant, pacifice et quiete, in manu mortua, sine coactione vendendi vel extra manum suam ponendi ; ad que omnia premissa tenenda et firmiter observanda me, meos heredes et successores obligo et relinquo in posterum obligatos. In cujus rei testimonium et munimen, predictis religiosis presentes litteras sigillorum nostrorum munimine dedimus roboratas. .


1 Voir nº DLX, p. 519, où le territoire dont il est ici question est appelé la haie Pedis-Loti ; la mère d'Eustache de Neaufle se nommait Ameline.
1 Sceau rond, en cire brune, sur double queue de parchemin. Écu de....... à deux léopards de......... Légende : † S. domini : ...fridi : Bat...le. (Gravé.) — Nous trouverons en 1302 un sceau plus petit de Jean de Villepreux, offrant les mêmes armoiries. A. M.