École des chartes » ELEC » Cartulaires d'Île-de-France » Vaux-de-Cernay » Tome premier 1118-1250 » Seconde moitié XIIe siècle » 1191

Compositio inter monachos Vallium Sarnaii et canonicos Sancti Victoris de decimatione vinearum et terrarum Athiis sitarum.

  • A Arch. de l'Empire. — Original en parchemin L, nº 1477.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Ego G[uido], Sarnaiensis ecclesie dictus abbas, et ejusdem loci conventus, notum fieri volumus, tam futuris quam presentibus, quod de querela, quam habebant canonici Sancti Victoris adversus nos pro decimatione sua que est in territorio de Athiis, facta est compositio in hunc modum. Concesserunt prefati canonici ecclesie nostre in elemosinam quicquid tempore bone memorie Gilduini abbatis in eadem decimatione habebamus, scilicet : de vinea de Ponte, quam habemus ex dono Reinaldi, militis ; de vinea de Burcardo et uno arpenno terre arabilis deeodem Burcardo ; de vinea Anseis, de dono Sanceline ; de vinea quam Fulcherius dedit nobis apud Gevisiacum ; de vinea Johannis Ruffi, sita juxta vineam predicti Fulcherii ; de vinea ad Bimorant, de predicto Fulcherio ; de uno quadrante ad Molendinum-Regis ; de vinea de Bossere, de dono Bertranni militis ; de vinea quam dedit nobis Philippus de Montibus in clauso de Ablun. Preterea dederunt nobis jamdicti canonici in elemosinam partem suam decime quam habebant in vinea que dicitur Peilecoc ; eo tenore quod, si de vinea illa alii ecclesie solverimus decimam, sibi suam solvemus ; hanc vineam dedit nobis Symon de Pissiaco. De omnibus vero aliis vineis et terris, quas in decimatione sua habemus, et deinceps emptione vel alio modo apud Athias sive alibi in decimatione eorum acquisierimus, de omnibus acquisitis, exceptis solis novalibus, sibi integre et fideliter decimam reddemus. Ad majorem etiam pacis firmitatem, institutum est quod litteras capituli Sancti Victoris de supradicta compositione habebimus, et nos eis similiter litteras nostras dabimus. S. Johannis, prioris ; S. Archenoudi ; S. Rogerii ; S. Willelmi, sacerdotum. S. Gaufridi ; S. Guarini, diaconorum ; S. Huberti ; S. Odonis, subdiaconorum.