École des chartes » ELEC » Cartulaires d'Île-de-France » Vaux-de-Cernay » Tome second » Première moitié XIVe siècle » 24 oct. 1326. — Vid. oct. 1327

" De financia super novis acquestibus abbatie. "

  • A Original en parchemin. — Inv., p. 76, l. 5, nº 15.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

« Karolus, Dei gratia, Francie et Navarre rex, notum facimus universis tam presentibus quam futuris nos infrascriptas vidisse litteras, formam que sequitur continentes :

Universis presentes litteras inspecturis, Stephanus de Villaribus, cantor Montisbrisonis, domini regis Francie et Navarre clericus, commissarius in balliviis Silvanecti et Gysorcii et earum ressortis super financiis nobilium feodorum et acquestuum ecclesiarum ab eodem domino rege deputatus, salutem in Domino : Noveritis quod frater Johannes de Nubourc, procurator religiosorum virorum abbatis et conventus de Valle Sarnayo, nomine dictorum religiosorum, finavit, vocato mecum locum tenente in hac parte ballivii Gysorcii, de rebus et possessionibus per dictos religiosos acquisitis a tringinta annis citra, titulo videlicet gratuito de fructibus duorum annorum et titulo non gratuito de fructibus trium annorum, pro undecim libris tresdecim solidis octo denariis parisiensibus, solutis Gauffrido Heront receptori pro Thoma Heront, ejus patre, vicecomite Gysorcii, ad recipiendum dictas financias in vicecomitatu Gysorcii deputato, de hiis que sequntur : videlicet de decem solidis parisiensibus acquisitis supra domum Johannis l'Ulier ; item de tribus quarteriis vignee ex dono acquisitis in valore annui redditus quadraginta solidorum parisiensium ; item de viginti et octo denariis parisiensibus, ex dono Ricardi Mugoe super hereditatem suam ; item de duabus peciis vignee ex dono Ricardi Mugoe, acquisitis in valore annui redditus, onere deducto duorum solidorum parisiensium ; item de quodam quarterio vignee ex dono acquisito in valore annui redditus decem solidorum parisiensium ; item de dimidio quarterio vignee ex dono acquisito in valore annui redditus, onere deducto duodecim denariorum parisiensium ; item de duabus acris et sexaginta particis terre acquisitis in valore annui redditus viginti quatuor solidorum parisiensium ; item de tribus vergiis terre acquisitis a Guillelmo dou Buef, in valore annui redditus duorum solidorum parisiensium ; item de quinque solidis parisiensibus annui redditus quos emerunt a Cainto de Genevroy et ejus fratre super quandam peciam terre à Hebecourt. Per quam quidem financiam concessi, auctoritate regia, predictis religiosis eorumque successoribus quod predicta im perpetuum teneant et habeant, sine coactione vendendi vel extra manum suam ponendi, seu aliam financiam faciendi, domini regis voluntate in predictis retenta ac ipsius jure salvo et quolibet alieno. In cujus rei testimonium, sigillum meum duxi litteris presentibus apponendum. .

« Nos autem omnia et singula in litteris suprascriptis contenta, rata habentes et grata, ea volumus, laudamus, approbamus ac tenore presencium, nostra auctoritate regia, confirmamus, volentes et concedentes quod dicti religiosi et eorum successores premissa omnia et singula tenere et possidere perpetuo valeant, pacifice et quiete, absque coactione vendendi aut extra manum suam ponendi seu prestandi nobis vel nostris successoribus qualemcumque financiam pro eisdem, nostro in aliis et alieno in omnibus jure salvo. Quod ut firmum et stabile permaneat in futurum, nostrum presentibus litteris fecimus apponi sigillum. Actum Parisius .