École des chartes » ELEC » Cartulaires d'Île-de-France » Vaux-de-Cernay » Tome premier (2e partie) 1251-1300 » 1251-1260 » Sept. 1257

De venditione cujusdam domus in vico Murorum, Parisius.

  • A Original en parchemin. — Inv., p. 51, c. A, nº 18.
  • a Cartulaire de l’abbaye Notre-Dame des Vaux-de-Cernay, de l’ordre de Cîteaux, au diocèse de Paris, éd. Lucien Merlet et Auguste Moutié, Paris, 1857-1858.
D'après a.

Omnibus presentes litteras inspecturis, officialis curie Parisiensis, salutem in Domino : Notum facimus quod magister Gobertus de Martello, Petragoricensis dyocesis clericus, asseruit quod ipse habebat, tenebat et possidebat quandam domum cum jardino sive pratello, sitam, ut dicebat, Parisius, ultra Parvum Pontem, in vico qui dicitur vicus Murorum, versus Sanctum Victorem, contiguam, ut dicitur, domui Hugonis, dicti Poquet, ex una parte, et domui Roberti, dicti Parvi, de Remis, servientis reverendi patris domini Parisiensis episcopi, ex altera, in censiva beate Marie Parisiensis, oneratam in duobus solidis et dimidio parisiensibus, capitalis census tantummodo, ut dicebat. Quam domum dictus Gobertus emerat, ut dicebat, a Thoma, dicto Torchepot, et ejus uxori, et recognovit idem magister Gobertus coram nobis se vendidisse, quitavisse dictam domum cum jardino et totum jus sibi competens in eisdem predicto Roberto, dicto Parvo, de Remis, et ejus heredibus et eis qui causam habebunt ab ipso im perpetuum, pro quatuordecim libris parisiensibus, etc...............................

.